31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Իսրայելը նշել է Ուկրաինային հրթիռներ մատակարարելու պայմանը
Քաղաքականություն
21.11.2022 | 20:53
Իսրայելը կարող է սկսել զենք մատակարարել Ուկրաինային, եթե Ռուսաստանն Իրանից բալիստիկ հրթիռներ գնի։ Israel News-ի փոխանցմամբ՝ նման հայտարարություն է արել Իսրայելի ազգային անվտանգության շտաբի ղեկավար Էյալ Հուլաթան։
«Եթե դա տեղի ունենա, Իսրայելը կսկսի բարձր ճշգրտության հրթիռներ մատկարարել Ուկրաինային»,- ասել է նա։
Բացի այդ, ըստ հրապարակման, Իսրայելի ԱԳՆ-ն իր բողոքն է հայտնել Իրանի և Ռուսաստանի միջև ռազմական համագործակցության կապակցությամբ։ Մոսկվայում Իսրայելի դեսպանը նոտա է հանձնել ՌԴ փոխարտգործնախարար Միխայիլ Բոգդանովին, հայտնել է դիվանագիտական շրջանակներից իրազեկ աղբյուրը։
Ավելի վաղ ԶԼՄ-ները հաղորդել էին, որ Իրանը պատրաստվում է ևս մոտ 1000 զինատեսակ ուղարկել Ռուսաստան, այդ թվում՝ փոքր հեռահարության «երկիր-երկիր» բալիստիկ հրթիռներ և լրացուցիչ հարվածային անօդաչու թռչող սարքեր: Ռուսաստանի Դաշնությանը դրանց մատակարարման ժամկետները դեռ հայտնի չեն, սակայն սպասվում է, որ առաքումը կավարտվի մինչև տարեվերջ։
Տաթև Ֆռանգյան
