13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանն առաջին անգամ հանդիպել է Եգիպտոսի նախագահին, որին «մարդասպան» էր անվանել
Քաղաքականություն
21.11.2022 | 13:16
Թուրքիայի նախագահ Ռեջեփ Թայիփ Էրդողանը նախօրեին առաջին անգամ հանդիպել է Եգիպտոսի նախագահ Ֆաթթահ ալ-Սիսիին 2013 թ-ին Եգիպտոսում տեղի ունեցած հեղաշրջումից հետո, գրում են թուրքական լրատվականները։ Հանդիպումը տեղի է ունեցել Ֆուտբոլի աշխարհի առաջնության բացման արարողության ժամանակ։
Հիշեցնենք՝ Թուրքիան հրաժարվում է ճանաչել Սիսիի կառավարությունը, որը պաշտոնանկ արեց նախագահ Մուհամեդ Մուրսիին՝ «Մուսուլման եղբայրներ»-ի անդամին։ Էրդողանն ավելի վաղ Սիսիի մասին հետևյալն էր ասել․ «Հեղաշրջումով իշխանությունը ստանձնած ներկայիս բռնապետ Սիսին մահապատժի է ենթարկել մոտ 50 հոգու։ Արևմուտքը լռել է այդ մահապատիժների մասով։ Եվրոպական երկրները այնտեղ հավաքին են մասնակցել մարդասպան Սիսիի հրավերով, մինչդեռ նրանք արգելում են մահապատիժները։ Կան մարդիկ, որոնք ուզում են իմ ու Սիսիի միջև արբիտր լինել։ Ես չեմ ընդունում դա որևէ հանգամանքում։ Ես չեմ նստի նույն սեղանի շուրջ հակաժողովրդավարական կառավարչի հետ, որը մահապատժի է ենթարկել Մուրսիին ու նրա ընկերներին, որոնք ժողովրդից 52 ձայն էին ստացել»։
Հավելենք, որ նախօրեի արարողության ժամանակ Էրդողանը հանդիպել է մի շարք երկրների ղեկավարների ևս։
Էմմա Չոբանյան
