27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Ռուսաստանը կիրակի օրը գրեթե 400 հարված է հասցրել Ուկրաինայի արևելքում. Զելենսկի
Քաղաքականություն
21.11.2022 | 12:34
Ռուսական զորքերը հրետանային հարվածներ են հասցնում ուկրաինական դիրքերին. միայն կիրակի օրը գրեթե 400 հարված է հասցվել երկրի արևելքում, գրում է VOA-ն։
Այս մասին տեսաուղերձում հայտնել է Ուկրաինայի նախագահ Վլադիմիր Զելենսկին։
«Դոնեցկի մարզում, ինչպես նախկինում, ընթանում են ամենաթեժ մարտերը։ Թեև եղանակի վատթարացման պատճառով այսօր ավելի քիչ գրոհներ են եղել, սակայն ռուսական հրթիռակոծությունների թիվը, ցավոք, շարունակում է մնալ չափազանց »,- ասել է Զելենսկին։
«Լուգանսկի շրջանում մենք դանդաղ առաջ ենք գնում՝ ռազմական գործողություններ իրականացնելով։ Մինչ այս պահը օրվա սկզբից երկրի արևելքում շուրջ 400 հրետանային հարված է եղել»,- ասել է նա։ Զելենսկու խոսքով՝ հարավում գտնվող ուկրաինական զորքերը «հետևողականորեն և շատ զգույշ կերպով ոչնչացնում են օկուպանտների ներուժը», սակայն մանրամասներ չի ներկայացրել։
