30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հայտնի է ՀԱՊԿ-ի երևանյան նիստի օրակարգը. Էրդողան-Պուտին հեռախոսազրույց է տեղի ունեցել. ԼՈՒՐԵՐ
18.11.2022 | 19:52
- Նոյեմբերի 23-ին Նիկոլ Փաշինյանի գլխավորությամբ, Երևանում տեղի կունենա Հավաքական անվտանգության պայմանագրի կազմակերպության Հավաքական անվտանգության խորհրդի նիստը, հայտնում է ՀԱՊԿ մամուլի ծառայությունը։ Ըստ պաշտոնական հաղորդագրության՝ կքննարկվեն միջազգային և տարածաշրջանային անվտանգության արդիական հարցերը և ՀԱՊԿ գործունեության հիմնական արդյունքները միջխորհրդարանական շրջանում: Ամենակարևոր հարցերից մեկը լինելու է ՀԱՊԿ ճգնաժամային արձագանքման համակարգի կատարելագործումը և Հայաստանին օգնություն տրամադրելու համատեղ միջոցառումների հարցը։
- Վերջին օրերին արցախա-ադրբեջանական շփման գծի ողջ երկայնքով Ադրբեջանը ակտիվորեն գործադրում է բոլոր ջանքերը՝ խաղաղ բնակչությանը ահաբեկելու, մարդկանց կյանքի «բնականոն» ընթացքը խաթարելու նպատակով․ տեղեկացնում են ԱՀ դատախազություն։ Նշենք, որ այսօր ադրբեջանական կողմը կրկին հրաձգային տարբեր զինատեսակներից կրակ է բացել այս անգամ Մարտունու շրջանի Հացի գյուղի վարչական տարածքում գյուղատնտեսական աշխատանքներ կատարող անձանց ուղղությամբ, վնասել տրակտորը, իսկ Թաղավարդի հատվածում միացվել է կրոնական ու ծիսական բնույթի բարձր երաժշտություն:
- Արտակարգ իրավիճակների նախարար Արմեն Փամբուխչյանն ընդունել է Հայաստանում ԵՄ պատվիրակության ղեկավար, ԵՄ դեսպան տիկին Անդրեա Վիկտորինին․ տեղեկացնում են ՀՀ ԱԻՆ-ից։ Դեսպան Վիկտորինը շնորհակալություն է հայտնել նախարարին ջերմ ընդունելության համար, բարձր է գնահատել իրականցվող ծրագրերի ընթացքը և վստահեցրել, որ ԵՄ-ն մշտապես պատրաստ է զարգացնել համագործակցությունը։ Հանդիպման ընթացքում կողմերը քննարկել են մի շարք ծրագրային հարցեր։
Այս ժամի լուրերը՝ տեսանյութում։
