15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Արցախում կրակ են բացել տրակտորի վրա, Պուտինը կգա Երևան․ ԼՈՒՐԵՐ
Քաղաքականություն
18.11.2022 | 17:25
- Ադրբեջանը խախտել է հրադադարն Արցախում։ Այսօր ժամը 12:15-ին Հացի գյուղի 43-ամյա բնակիչ Իգոր Աբրահամյանը ոստիկանության Մարտունու շրջանային բաժին է դիմել այն մասին, որ Հացի գյուղի վարչական տարածքի «Կաղնուն տակ» կոչվող տեղամասում «Բելառուս» մակնիշի տրակտորով գյուղատնտեսական աշխատանքներ իրականացնելիս, հարակից ադրբեջանական մարտական դիրքից հրաձգային զինատեսակներից կրակ է արձակվել իր ուղղությամբ։ Վնասվել է տրակտորի անվաթևը և անվասկավառակը։ Քաղաքացիական անձանց շրջանում տուժածներ չկան։ Նյութեր են նախապատրաստվում ռուսական խաղաղապահ զորակազմին ներկայացնելու համար։
- ՌԴ նախագահ Վլադիմիր Պուտինը անձամբ է մասնակցելու Երևանում հաջորդ շաբաթ կայանալիք ՀԱՊԿ նիստին։ Այս մասին լրագրողների հետ զրույցում հայտնել է Պուտինի մամուլի խոսնակ Դմիտրի Պեսկովը։ Հիշեցնենք, որ նոյեմբերի 23-ին Երևանում տեղի է ունենալու ՀԱՊԿ խորհրդի նիստը, որի ընթացքում քննարկվելու է նաև Հայաստանին օգնություն ցուցաբերելու հարցը։
- ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևը աշխատանքային այցով մեկնելու է Բաքու։ Նշենք՝ օրերս Խովաևը Հայաստանում էր։ Նա հանդիպումներ էր ունեցել ՀՀ վարչապետ Նիկոլ Փաշինյանի, ԱԳ նախարար Արարատ Միրզոյանի հետ։
Այս ժամի լուրերը՝ տեսանյութում։
