16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՖԻՖԱ-ն արգելել է գարեջրի վաճառքը Կատարի մարզադաշտերում
18.11.2022 | 17:44
Ֆուտբոլի միջազգային ֆեդերացիան (ՖԻՖԱ) պաշտոնապես հայտարարել է աշխարհի առաջնության մեկնարկից երկու օր առաջ մարզադաշտերում գարեջրի վաճառքի արգելքի մասին։ Հիշեցնենք, որ աշխարհի առաջնությունը կանցկացվի նոյեմբերի 20-ից դեկտեմբերի 18-ը․ գրում է armsport-ը։
«Կատարի իշխանությունների և ՖԻՖԱ-ի միջև քննարկումներից հետո որոշվել է կենտրոնացնել ալկոհոլային խմիչքների վաճառքը Fan Fest-ում, երկրպագուների ժամանցի այլ վայրերում և լիցենզավորված հաստատություններում, հեռացնելով գարեջրի կետերը Կատարի 2022 թվականի աշխարհի առաջնության մարզադաշտերից:
Դա չի ազդի ոչ ալկոհոլային գարեջրի վաճառքի վրա, որը կշարունակվի հասանելի լինել Կատարի աշխարհի առաջնության բոլոր մարզադաշտերում:
Հյուրընկալող երկրի իշխանությունները և ՖԻՖԱ-ն կշարունակեն երաշխավորել, որ մարզադաշտերը և հարակից տարածքները հարգալից և հաճելի տպավորություն թողնեն բոլոր երկրպագուների համար»,-ասված է հայտարարությունում:
Հիշեցնենք, որ ավելի վաղ հաղորդվում էր, որ Կատարի թագավորական ընտանիքը պահանջել է արգելել մարզադաշտերում գարեջրի վաճառքը։
