16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Իրանում ցուցարարները հրկիզել են Այաթոլլա Խոմեյնիի տուն-թանգարանը
Քաղաքականություն
18.11.2022 | 16:58
Իրանում մի խումբ ցուցարարներ հրկիզել են Իսլամական հեղափոխության առաջնորդ այաթոլլա Ռուհոլլա Խոմեյնիի տուն-թանգարանը։ Արևմտյան լրատվամիջոցներն այս ակցիան որակել են խիստ խորհրդանշական։ Թե որքանո՞վ է վնասվել Թեհրանից հարավ գտնվող շենքը, հայտնի չէ, գրում է Euronews-ը:
Իրանում արդեն երրորդ ամիսն է՝ չեն դադարում հակակառավարական ցույցերը։ Այս շաբաթ ցույցեր են տեղի ունեցել Իրանի շատ քաղաքներում, երբ ակտիվիստները նշում էին վառելիքի բարձր գների դեմ բողոքի ցույցերի դաժան ճնշման երեք տարին։ Ցուցարարների և ոստիկանության միջև բախումների ընթացքում հարյուրավոր մարդիկ են զոհվել։ Վերջին օրերին սպանվածների թվում է 9 տարեկան մի տղա։
Հիշեցնենք, որ Իրանում բողոքի ցույցերի ալիք է բարձրացել այն բանից հետո, երբ ոստիկանները գլխաշոր կրելու կանոնները խախտելու համար ձերբակալել են 22-ամյա աղջկա, որը ոստիկանական բաժանմունքում բռնության ենթարկվելուց հետո մահացել է։
Փորձելով վերջ դնել զանգվածային ցույցերին՝ իշխանություններն արդեն մի քանի ցուցարարների դատապարտել են մահապատժի։
Տաթև Ֆռանգյան
