16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ադրբեջանն Իսրայելում դեսպանատուն է բացում․ Մեջլիսը հավանություն է տվել նախագծին
Քաղաքականություն
18.11.2022 | 15:36
Իրանի հետ գերլարված հարաբերությունների ֆոնին Ադրբեջանը վերջապես որոշել է Իսրայելում դեսապանատուն բացել։ Նշենք, որ տարիներ շարունակում Ադրբեջանի իշխանությունները հապաղում էին Իսրայելում դեսպանատուն բացելու հարցում, սակայն հիմա Իրանի հետ հարաբերությունների կտրուկ սրման պայմաններում, ըստ երևույթին, Ալիևի վարչակազմը որոշել է այս քայլով նաև ուղերձ հղել Թեհրանին։
Ադրբեջանական լրատվամիջոցների հաղորդմամբ՝ Ադրբեջանի Միլլի Մեջլիսն այսօր հրավիրված լիագումար նիստում հաստատել է «Իսրայելում Ադրբեջանի դեսպանություն հիմնելու մասին» օրենքը։ Դեսպանատունը բացվելու է Թել-Ավիվում։
Հավելենք, որ Ադրբեջանի և Իսրայելի հարաբերությունները թևակոխել էին նոր փուլ 2021 թվականի հուլիսին, երբ Բաքվի առաջին ներկայացուցչությունն էր բացվել Թել-Ավիվում։ Խոսքն Առևտրային ներկայացուցչություն մասին է, որի բացման արարողությանը մասնակցել էին Ադրբեջանի էկոնոմիկայի նախարար Միքայիլ Ջաբարովն ու Իսրայելի զբոսաշրջության նախարար Իոել Ռազվոզովը։
Ի դեպ, Մեջլիսն այսօրվա նիստում հավանություն է տվել նաև Պաղեստինում Ադրբեջանի ներկայացուցչություն ստեղծելու օրինագծին (նստավայրը՝ Ռամալա)։ Այս քայլով էր Բաքուն, հավանաբար, որոշել է մեղմել մահմեդական մի շարք երկրների հնարավոր զայրույթը Իսրայելում դեսպանատուն բացելու կապակցությամբ։
Էմմա Չոբանյան
