18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Ուկրաինան կարող է խանգարել Խերսոնի շրջանի արևելքում պաշտպանությունն ուժեղացնելու` ՌԴ-ի ջանքերին․ ISW
Քաղաքականություն
18.11.2022 | 22:10
Պատերազմի ուսումնասիրության ամերիկյան ինստիտուտի (ISW) վերլուծաբանները կանխատեսում են, որ ուկրաինական բանակը, հավանաբար, դժվար է զարգացնելու հարձակումը Դնեպրի ձախ ափին, որտեղից նոյեմբերին նահանջեցին ռուս զինվորականները։ Սակայն ուկրաինական զինվորականները կարող են խանգարել ռուսական բանակին՝ ամրացնել Խերսոնի շրջանի օկուպացված հատվածներում պաշտպանական գծերը, գրում է BBC-ի ռուսական ծառայությունը։
Նշվում է, որ Ուկրաինայի հարավում Ռուսաստանի կողմից վերահսկվող այլ տարածքների հետ կապի մի քանի խոշոր ցամաքային գծեր անցնում են տարածաշրջանի արևելյան մասով՝ Նովայա Կախովկա-Արմյանսկ, Նովայա Կախովկա-Գենիչեսկ մայրուղիները և M14 մայրուղին, որը գնում է դեպի արևելք՝ Մելիտոպոլ, Բերդյանսկ և Մարիուպոլ: Արբանյակային լուսանկարները ցույց են տալիս, որ ռուսական զորքերը զբաղեցնում են պաշտպանական գծեր մի քանիսի երկայնքով։ Այդ շրջանում սահմանափակ թվով ավտոմոբիլային ճանապարհներն ու երկաթգծերը, որոնք կապում են Ղրիմը մայրցամաքին, ստեղծում են հնարավոր խոչընդոտներ ուկրաինական բանակի առաջխաղացման համար։
ISW-ն ավելի վաղ հաղորդել էր Դնեպրի աջ ափին նմանատիպ խնդիրների մասին, որտեղից ռուս զինվորականները ստիպված էին դուրս գալ:
«Ուկրաինական ուժերի համար, ամենայն հավանականությամբ, բարդ կլինի հասնել նման դրամատիկ արդյունքների Խերսոնի շրջանի արևելքում, սակայն հնարավոր է՝ նրանք կարողանան խանգարել ՌԴ ջանքերին ամրացնել ու պահպանել նոր պաշտպանական գծերը»,- ասվում է ամփոփագրում։
Էմմա Չոբանյան
