05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ղազախստանում ընտրությունների շեմին ձերբակալվել են երկրում անկարգությունների ենթադրյալ կազմակերպիչները
Քաղաքականություն
18.11.2022 | 16:20
Ղազախստանի իշխանությունները 7 անձի են ձերբակալել կիրակի կայանալիք նախագահական ընտրությունների ժամանակ «զանգվածային անկարգություններ» ծրագրելու և կազմակերպելու կասկածանքով, գրում է VOA-ն։
«Ազգային անվտանգության կոմիտեն դատախազության աջակցությամբ դադարեցրել է այս տարվա նոյեմբերի 20-ին զանգվածային անկարգություններ ծրագրող և կազմակերպող հանցավոր խմբի գործունեությունը»,- ասվում է Անվտանգության ծառայության հաղորդագրության մեջ։
Զեկույցում ասվում է, որ խմբավորումը ոչ միայն անկարգություններ, այլ նաև հարձակումներ է ծրագրել վարչական և իրավապահ մարմինների դեմ՝ օգտագործելով զենք և հրկիզիչ խառնուրդներ։
Տեղեկացվում է, որ առգրավվել է «Կալաշնիկով» ավտոմատ, ծակող զենք, այլ սպառազինություն և հրկիզվող նյութով շշեր։
Ակնկալվում է, որ նոյեմբերի 20-ին կայանալիք արտահերթ նախագահական ընտրությունները կամրապնդեն գործող նախագահ Կասիմ-Ժոմարտ Տոկաևի իշխանությունը՝ վառելիքի գների բարձրացման դեմ համազգային բողոքի ցույցերից ամիսներ անց, որոնք վերածվեցին բռնության և հանգեցրին ավելի քան 200 մարդու մահվան:
Տաթև Ֆռանգյան
