16.09.2026 | 12:19
ԱՄՆ Ներկայացուցիչների պալատը երրորդ անգամ Իրանի պատերազմը դադարեցնելու օգտին է քվեարկել
ՄԱԳԱՏԷ-ն բանաձև է ընդունել՝ Ռուսաստանից պահանջելով դուրս գալ Զապորոժիեի ԱԷԿ-ից
Քաղաքականություն
18.11.2022 | 11:49
Ատոմային էներգիայի միջազգային գործակալության (ՄԱԳԱՏԷ) կառավարիչների խորհուրդը կողմ է քվեարկել բանաձևին, որը պահանջում է Մոսկվայից դուրս բերել իր ռազմական և քաղաքացիական անձնակազմին Զապորոժիեի ատոմակայանից և դադարեցնել ցանկացած գործունեություն ուկրաինական միջուկային օբյեկտներում, գրում է BBC-ի ռուսական ծառայությունը։
Բանաձևում նաև խորը մտահոգություն է հայտնվում Զապորոժիեի ԱԷԿ-ի ուկրաինական սպասարկող անձնակազմի վրա ճնշումների, ինչպես նաև հարակից տարածքի գնդակոծության հետևանքով էներգամատակարարման խափանումների առնչությամբ։ Փաստաթղթին աջակցել է խորհրդի անդամ 35 երկրների ներկայացուցիչների մեծամասնությունը։ Ռուսաստանն ու Չինաստանը դեմ են քվեարկել։ 7 պետուիթյուն՝ Հնդկաստանը, Պակիստանը, Սաուդյան Արաբիան, Վիետնամը, Հարավային Աֆրիկան, Քենիան և Նամիբիան ձեռնպահ են մնացել քվեարկությունից։
Սա Ուկրաինայում միջուկային անվտանգության հարցով ՄԱԳԱՏԷ-ի երրորդ բանաձևն է այս տարվա փետրվարին ռուսական ներխուժման սկզբից ի վեր։
Մեկնաբանելով փաստաթղթի ընդունումը՝ ռուսական կողմը մեղադրել է միջազգային կազմակերպությանն իր աշխատանքը քաղաքականացնելու մեջ, իսկ բանաձևն անվանել է «ոչ պրոֆեսիոնալ, գործակալության մանդատից դուրս և փաստացի սխալներ պարունակող»։
