17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Զելենսկին կրկին խնդրել է Արևմուտքին օգնել պաշտպանվել ռուսական օդային հարվածներից
Քաղաքականություն
18.11.2022 | 11:37
Հինգշաբթի երեկոյան ավելի քան 10 միլիոն ուկրաինացի մնացել է առանց էլեկտրականության, հայտարարել է երկրի նախագահ Վլադիմիր Զելենսկին ուշ երեկոյան իր հեռուստաուղերձում։
«Ուկրաինայի դեմ հերթական հրթիռային հարձակման հետևանքների վերացումը շարունակվում է ամբողջ օրը, կրկին արտակարգ հոսանքազրկումներ են,- ասել է նա։ Ամենաբարդ իրավիճակը Կիևում է, նաև Վիննիցայում, Օդեսայում, Սումիի շրջանում։
«Դնեպրում տասնյակ մարդիկ վիրավորվել են հրթիռային հարվածի հետևանքով։ Զապորոժիեում շարունակվում են բնակելի շենքի փլատակներում մարդկանց որոնողական աշխատանքները, շենքն ավերվել էր նախորդ գիշեր ռուսական հրթիռակոծության հետևանքով։ Նախնական տվյալներով յոթ մարդ է զոհվել, ցավոք, այս թիվը կարող է աճել», – ասել է Ուկրաինայի նախագահը։
Զելենսկին կրկին դիմել է արևմտյան երկրներին՝ խնդրելով օգնել Ուկրաինային պաշտպանվել ռուսական հրթիռներից.
«Մենք նորից ու նորից կրկնում ենք մեր գործընկերներին, որ միայն ուկրաինական երկնքի ամբողջական պաշտպանությունը կփրկի թե՛ Ուկրաինային, թե՛ Եվրոպային ռուսական ագրեսիայի սրումից և Ռուսաստանին կստիպի մտածել պատերազմի իրական ավարտի մասին»։
