30.10.2026 | 17:34
«Ապրելու երկիրը» կմասնակցի Կապանի ՏԻՄ ընտրություններին․ ցուցակը կգլխավորի Տիգրան Աղասյանը
ԱՄՆ Պետդեպը՝ Փաշինյանի և Ալիևի հետ Բլինքենի հեռախոսազրույցների մասին
Քաղաքականություն
17.11.2022 | 16:45
ԱՄՆ Պետքարտուղարության փոխխոսնակ Վեդանտ Պատելը ճեպազրույցում անդրադարձել է Հայաստանի և Ադրբեջանի միջև ընթացող բանակցությունների գործընթացին։ Պատասխանելով հարցին՝ հայտնի՞ է որևէ բան հաջորդ շաբաթ դեսպան Ֆիլիպ Ռիքերի տարածաշրջան այցի մասին, Պատելն ասել է, որ տեղյակ չէ, սակայն կարող է ճշտել։
Խոսելով պետքարտուղար Էնթոնի Բլինքենի ՝Հայաստանի և Ադրբեջանի ղեկավարների հետ վերջին հեռախոսազրույցներից, Պատելը նշել է․ «Ես չգիտեմ՝ արդյո՞ք կա որևէ վերջնաժամկետ: Կասեմ միայն, որ այս հարցում պետքարտուղարի շարունակական ներգրավվածությունը Հարավային Կովկասի տարածաշրջանի խաղաղ ապագան խթանելու Միացյալ Նահանգների հանձնառության ուղղակի արդյունքն է: Չեմ կարծում, թե այդ հաղորդագրություններից զատ՝ ավելին ունեմ ասելու։ Սակայն սա մի բան է, որին, իհարկե, Պետքարտուղարությունն ու քարտուղար Բլինքենը մեծ ուշադրություն են դարձնում։ Մենք հավատում ենք, որ ուղղակի երկխոսությունն առանցքային է այս խնդրի լուծման համար, դրա համար էլ մենք շարունակում ենք խորապես ներգրավված մնալ այս հարցում»։
Էմմա Չոբանյան
