10.05.2025 | 20:00
Թուրքիայում բախվել են բեռնատարն ու ավտոբուսը. կան զոհեր
Ո՞ր քաղաքացիներն առաջին փուլով եկամտի հայտարարագիր կներկայացնեն. Բադասյանի մեկնաբանությունը․ ՏԵՍԱՆՅՈՒԹ
Տնտեսություն
17.11.2022 | 13:15
«Ինքնաշխատ կերպով գեներացվելու են եկամուտները ՊԵԿ-ի կողմից, առաջին փուլի սուբյեկտները մարդիկ են, որոնք հեշտությամբ կարող են հեշտությամբ իրենք էլեկտրոնային ներկայացնել հայտարարագրերը, հետագա փուլերում, եթե մարդիկ կդժվարանան, մեր սպասարկման սրահներում օգնություն կցուցաբերեն: Իրենց շատ բան չի մնում անելու, ընդամենը վերիֆիկացնել այն, ինչն ինքնաշխատ համակարգով գեներացվել է»,- այս մասին կառավարության նիստից հետո լրագրողների հետ զրույցում նշեց Հայաստանի պետական եկամուտների կոմիտեի նախագահ Ռուստամ Բադասյանը՝ անդրադառնալով Հայաստանի բոլոր քաղաքացիների եկամուտների հայտարարագրման համակարգի ներդրմանը:
ՊԵԿ նախագահը հավելեց, որ քաղաքացիներին սոցիալական կրեդիտներ են տրամադրելու, ինչը նշանակում է, որ քաղաքացիների մասին բավարար տեղեկություններ պետք է ունենան, որպեսզի հասցեական ու թիրախային օգնեն այն խմբերին, որոնց համար նախատեսված են արտոնություններ:
Նշենք, որ կառավարության այսօրվա որոշմամբ՝ 2023-ից սկսած Հայաստանում կներդրվի եկամուտների համընդհանուր հայտարարագրման համակարգը: Այն կիրականացվի 3 փուլով և կավարտվի 2025-ին:
Մանրամասները՝ տեսանյութում։
