03.08.2026 | 15:53
Հանրապետությունում առաջիկա օրերին սպասվում է առանց տեղումների եղանակ
Նվազագույն աշխատավարձը կդառնա 75 հազար դրամ. իշխանական պատգամավոր․ ՏԵՍԱՆՅՈՒԹ
Հասարակություն
17.11.2022 | 12:12
2023 թ. պետական բյուջեի նախագիծն իր ծավալով Հայաստանի պատմության մեջ ամենամեծն է, որի ծախսային մասը կազմում է մոտ 2,6 տրիլիոն դրամ կամ ավելի քան 6,5 մլրդ դոլար: Այս մասին նոյեմբերի 17-ին խորհրդարանական ճեպազրույցների ընթացքում հայտարարեց «Քաղաքացիական պայմանագիր» խմբակցության պատգամավոր Գևորգ Պապոյանը:
Նրա խոսքով՝ նախորդ տարվա պետական բյուջեի ծախսային մասի համեմատ շուրջ 19 տոկոսով ավելացել է 2023 թ. ծախսային հատվածը, որի հաշվին կարողացել ենք մոտ 50 տոկոսով ավելացնել պաշտպանությանն ուղղված ծախսերը: 12 տոկոսով էլ ավելացվել են սոցիալական ծախսերը. 2023 թ. հուլիս ամսից կբարձրանա կենսաթոշակների չափը: 2023 թ. միջին կենսաթոշակը մոտավորապես 44.500 դրամից կբարձրանա՝ կազմելով ավելի քան 50.000 դրամ: Հունվարի 1-ից Հայաստանում նվազագույն աշխատավարձը 68.000 դրամից կդառնա 75.000 դրամ:
Կարևորելով մարդկային կապիտալի և տնտեսական զարգացմանն ուղղվող ֆինանսական միջոցների ավելացումը՝ Պապոյանը տեղեկացրեց, որ եկող տարի Սյունիքի մարզում կմեկնարկեն Հյուսիս-հարավ ավտոճանապարհի կառուցման աշխատանքները: Այս տարի կավարտվեն շուրջ 100 դպրոցի և մանկապարտեզների շինարարական աշխատանքները, իսկ 2023 թ.՝ ևս շուրջ 100-ինը:
Մանրամասները՝ տեսանյութում։
