11.01.2025 | 18:00
Հայաստանի էներգետիկ անվտանգության գլխին կախված Դամոկլյան սուրը
Ամեն հաջորդ օր մեր քաղաքացիները ավելի վատ են ապրելու. ընդդիմադիր պատգամավոր. ՏԵՍԱՆՅՈՒԹ
Քաղաքականություն
17.11.2022 | 11:31
Հայաստանում ժողովրդագրական խնդիրները գնալով խորանում են։ ԱԺ-ում լրագրողների հետ ճեպազրույցում նշեց ԱԺ «Հայաստան» խմբակցության պատգամավոր Թադևոս Ավետիսյանը։
Նրա խոսքով՝ ծնելիության մակարդակը, արտագաղթի տեմպերը որևէ կերպ չեն բարելավվել։
Պատգամավորի դիտարկմամբ՝ մտահոգիչ փաստ է նաև այն, որ Հայաստանում գյուղատնտեսության իրական ծավալները հետևողականորեն նվազում են։
«Սա է պատճառներից մեկը, որ առաջին անհրաժեշտության ապրանքների գնաճն էապես ավելի բարձր է, քան միջին գնաճը։ Օրինակ՝ սննդամթերքը գրեթե 1,5 անգամ ավելի շատ է թանկանում, քան՝ միջին գնաճը, որ կա Հայաստանում»,- նշեց Ավետիսյանը։
«Մի կարևոր հանգամանք ևս՝ մենք գնում ենք աշխարհին հակառակ ճանապարհով, մեր երկրում 2018 թվականից հետո, այս պահի դրությամբ, պարենային ապրանքների ապահովվածության գործակիցը 65 տոկոսից նվազել է մինչև 47 տոկոս, սա լուրջ խնդիր է»,-նշեց ընդդիմադիր պատգամավորը՝ ընդգծելով՝ ահագնացող գնաճի բոլոր գործոնները հիմա կան, կանխատեսվում է, որ լինելու է նաև հաջորդ տարի։
«Այնպես որ, այն բյուջեն, որ բերել են այսօրվա իշխանությունները, հետևյալի մասին է, որ ամեն հաջորդ օր մեր քաղաքացիներն ավելի վատ են ապրելու», – ընդգծեց Ավետիսյանը։
Մանրամասները՝ տեսանյութում։
