27.02.2026 | 10:35
Ինչ է փոխվում հայտարարագրման համակարգում․ ՈՒՂԻՂ
Նոր պայթյուններ Ուկրաինայի քաղաքներում և օդային տագնապի ազդանշաններ
Քաղաքականություն
17.11.2022 | 12:53
Ուկրաինական լրատվամիջոցները հայտնում են Օդեսայում, Դնեպրում և Կիևում ենթադրյալ պայթյունների մասին՝ այն բանից հետո, երբ ամբողջ երկրում օդային հարձակման նախազգուշացում է հայտարարվել, գրում է BBC-ի ռուսական ծառայությունը։
«Դումսկայա»-ի տեղեկություններով՝ Օդեսայում ահազանգից առաջ հզոր պայթյուն է հնչել։ Ռուս զինվորականները հրթիռային հարված են հասցրել Օդեսայի մարզում գտնվող ենթակառուցվածքի օբյեկտին, ավելի ուշ հայտնել է տարածաշրջանային ռազմական վարչակազմի ղեկավար Մաքսիմ Մարչենկոն։
«Սուսպիլնյե»-ն հայտնել է, որ պայթյունների ձայներ են լսվում Դնեպր քաղաքում, ՈՒՆԻԱՆ-ն էլ փոխանցել է Դնեպրում կրկնվող պայթյունների մասին։
«Քաղաքի մի մասում էլեկտրաէներգիայի հետ կապված խնդիրների մասին տեղեկություններ կան»,- նշում է գործակալությունը։
Հաղորդվում է նաև Կիևում պայթյունների մասին։ ТСН-ի փոխանցմամբ՝ Կիևի մարզում հակաօդային պաշտպանությունն է աշխատում։ Ամբողջ Ուկրաինայում օդային տագնապ է հայտարարվել։
Նիկոլաևի շրջանային ռազմական վարչակազմի ղեկավար Վիտալի Կիմ հայտնել է, որ առավոտյան ժամը 8-ի սահմաններում առաջին հրթիռներն են արձակվել։
«Երեք հրթիռ է թռել Խարկովի շրջանի վրայով։ Դրանք նկատել են նաև Պոլտավայի շրջանի վրայով։ Ավիացիան բարձրացել է Կիևի, Չեռնիգովի և Չերկասի շրջանների երկինք»,- գրում է ՈՒՆԻԱՆ-ը։
Մոնիթորինգային ծառայությունները հաղորդում են հակաօդային պաշտպանության աշխատանքի մասին ինչպես Խարկովի, այնպես էլ Չերկասի շրջաններում։
Տաթև Ֆռանգյան
