22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
Հանրապետականները հաղթում են Ներկայացուցիչների պալատում․ CNN
Քաղաքականություն
17.11.2022 | 11:25
ԱՄՆ միջանկյալ ընտրություններում հանրապետականները Ներկայացուցիչների պալատում հաղթում են դեմոկրատներին։ Հանրապետական կուսակցությունը հաղթահարել է 218 մանդատի շեմը, հայտնում է CNN-ը։
Նշվում է, որ Ջորջիա նահանգում դեռ շարունակվում են Սենատի ընտրությունները, որոնց արդյունքները հայտնի կդառնան դեկտեմբերին: Ներկայացուցիչների պալատում հանրապետականների հաղթանակի դեպքում հունվարին կավարտվի դեմոկրատ Նենսի Փելոսիի՝որպես պալատի խոսնակի պաշտոնավարման երկրորդ ժամկետը։
CNN-ը նշում է, որ նախկին նախագահ Դոնալդ Թրամփի գաղափարախոսությունը կվերադառնա Ներկայացուցիչների պալատ՝ հաշվի առնելով այն ուժեղ ազդեցությունը, որը նախկին նախագահը հավանաբար կունենա Հանրապետական կուսակցության քաղաքական գործիչների վրա:
Հանրապետականների գլխավորած նոր Ներկայացուցիչների պալատն, անշուշտ, կբարդացնի Սպիտակ տան կյանքը Բայդենի պաշտոնավարման մնացած ժամանակահատվածում․ Բայդենն ինքն էլ ընտրություններից առաջ խոստովանել է լրագրողներին, որ դեմոկրատների մեծամասնությունը կորցնելը ամեն ինչ «կբարդացնի», գրում է CNN-ը։
Տաթև Ֆռանգյան
