29.04.2026 | 14:50
Որքան է կազմելու Հայաստանում «Յուվենտուսի» ակադեմիայի ամսական վճարը. ծրագրի մանրամասներն ու նախագրանցման մեկնարկը․ ՏԵՍԱՆՅՈՒԹ
Արմեն Աշոտյանին մեղադրանք է առաջադրվել փողերի լվացման և պաշտոնեական դիրքի չարաշահման հոդվածներով
Հասարակություն
16.11.2022 | 22:14
ՀՀԿ փոխնախագահ Արմեն Աշոտյանին մեղադրանք է առաջադրվել պաշտոնեական դիրքի չարաշահման և փողերի լվացման հատկանիշներով, որն առաջացրել է ծանր հետևանքներ։ Այս մասին այսօր Քննչական կոմիտեից դուրս գալուց հետո լրագրողների հետ զրույցում հայտնեց Արմեն Աշոտյանի փաստաբանը՝ Տիգրան Աթանեսյանը։
«Թե ո՞ւմ փողերն է լվացել, ինչո՞ւ է լվացել, ո՞վ է այդ փողերը կեղտոտ դարձրել։ Ես չեմ կարող մեկնաբանել այս գործը, այն աղերս չունի քրեաիրավական գիտության հետ։ Սա քաղաքական հետապնդում է»,- ասաց փաստաբանը։
Արմեն Աշոտյանի նկատմամբ խափանման միջոց է ընտրվել ստորագրությունը երկրից չհեռանալու մասին։
Ավելի վաղ ՀՀԿ փոխնախագահը ֆեյսբուքյան իր էջում հայտնել է, որ իրեն «Զվարթնոց» օդանավակայանում անձնագրային ստուգման փուլում արգելել են լքել Հայաստանը, նշելով, որ նա մեղադրյալի կարգավիճակ ունի։
Նշենք՝ իր նկատմամբ հնարավոր քրեական հետապնդում հարուցելու մասին Արմեն Աշոտյանը հայտնել էր դեռ նոյեմբերի 5-ին։ Նրա խոսքով` իշխանությունները ՀՀ Քննչական կոմիտեի նախագահ Արգիշտի Քյարամյանի ձեռքով որոշել են անդրադառնալ չորս տարվա վաղեմության մի գործի, որի շրջանակներում տարբեր մարդկանց են հարցաքննել։
