30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Որքան ՖԻՖԱ-ն կվճարի ռուսական ակումբներին ԱԱ 2022-ի համար
16.11.2022 | 18:17
Ռուսաստանի Պրեմիեր լիգայի նախկին և ներկա խաղացողները կմասնակցեն 2022 թվականի աշխարհի առաջնությանը, որի համար թիմերը ՖԻՖԱ-ից փոխհատուցման վճարներ կստանան։ «РБК Спорт»-ը ներկայացրել է, թե որքան գումար կստանան ռուսական ակումբները. գրում է armsport-ը։
Ֆուտբոլի միջազգային ֆեդերացիան (ՖԻՖԱ) 2015 թվականին որոշում է ընդունել փոխհատուցում վճարել այն ակումբներին, որոնց ֆուտբոլիստները հանդես են գալիս աշխարհի առաջնություններում։ Չնայած Ռուսաստանի հավաքականին միջազգային մրցաշարերից հեռացնելուն, Ռուսաստանի Պրեմիեր լիգայի (ՌՊԼ) ֆուտբոլիստները, այնուամենայնիվ, կմասնակցեն Կատարում կայանալիք աշխարհի առաջնությանը։
Առաջնությանը խաղացողների մասնակցության համար ՖԻՖԱ-ն թիմերին կվճարի ընդհանուր 209 միլիոն դոլար։ Կազմակերպությունը կվճարի ակումբներին՝ մրցաշարի եզրափակիչ փուլում և պաշտոնական մարզումների ընթացքում ֆուտբոլիստի՝ հավաքականում գտնվելու յուրաքանչյուր օրվա համար 10 հազարական դոլար։ Ֆուտբոլիստի համար վճարումներ կստանա ոչ միայն ներկայիս թիմը, այլ նաև այն ակումբները, որոնցում խաղացողը հանդես է եկել վերջին երկու տարիներին (2020/21 թթ և 2021/22 թթ մրցաշրջաններ):
ՖԻՖԱ-ն խմբային փուլից դուրս մնացած խաղացողի համար կվճարի 180.000 դոլար, 1/8 եզրափակչից դուրս մնացած խաղացողի համար 220.000 դոլար, իսկ քառորդ եզրափակչից դուրս մնացած խաղացողի համար՝ 280.000 դոլար։ Եթե խաղացողը հասնի երրորդ տեղի համար նախատեսված հանդիպմանը, ապա ակումբը կստանա 360.000 դոլար։ Եզրափակիչ դուրս գալու համար ակումբը կստանա 700 հազար դոլար։
