25.11.2024 | 23:15
Միրզոյանը շնորհավորել է Վրաստանի ԱԳ նորանշանակ նախարարին
ՌԴ ՊՆ-ն հայտարարել է, որ չեն հարվածել Կիևի բնակելի շենքերին և չեն կրակել Լեհաստանի սահմանից ավելի քան 35 կմ հեռավորության վրա
Քաղաքականություն
16.11.2022 | 15:41
Ռուսաստանի Պաշտպանության նախարարությունը հաստատել է նոյեմբերի 15-ին Ուկրաինայի զանգվածային գնդակոծությունը։ Այս մասին հայտնել է գերատեսչության ներկայացուցիչ Իգոր Կոնաշենկովը, գրում է Currenttime-ը։
Նրա խոսքով՝ հարվածները հասցվել են «Ուկրաինայի ռազմական հրամանատարության և կառավարման համակարգի վրա»՝ «բարձրլեռնային զենքի» օգնությամբ։ Կոնաշենկովը պնդում է, որ բոլոր հրթիռները խոցել են նախատեսված թիրախները։
«Բարձր ճշգրտությամբ հարվածներ են հասցվել թիրախներին միայն Ուկրաինայի տարածքում և ուկրաինա-լեհական սահմանից ոչ ավելի, քան 35 կմ հեռավորության վրա»,- ասել է նա։
Միաժամանակ, ՌԴ ՊՆ ներկայացուցիչը հերքել է, որ նոյեմբերի 15-ին ռուս զինվորականները հրթիռային հարվածներ են հասցրել Կիևին։ ՌԴ ռազմական գերատեսչությունից հայտնել են, թե բնակելի շենքերի խոցումը «ուկրաինական զորքերի կողմից արձակված զենիթային հրթիռների անկման և ինքնաոչնչացման հետևանք է»։
Բացի այդ, Կոնաշենկովն ասել է, որ ռուս մասնագետներն ուսումնասիրել են լուսանկարները Լեհաստանում հրթիռի կործանման վայրից և պարզել, որ դա Ուկրաինային պատկանող С-300-ն է։
«Նոյեմբերի 15-ի երեկոյան Լեհաստանում հրապարակված Պրժևոդուվ բնակավայրում հայտնաբերված բեկորների լուսանկարները ռազմարդյունաբերական համալիրի ռուս փորձագետների կողմից միանշանակ նույնականացվել են որպես С-300 հակաօդային պաշտպանության կառավարվող հրթիռի տարրեր, որոնք պատկանում են Ուկրաինայի ռազմաօդային ուժերին»,- ճեպազրույցի ժամանակ ասել է Կոնաշենկովը։
Տաթև Ֆռանգյան
