08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
Ստոլտենբերգը ՆԱՏՕ-ի նիստ է հրավիրել Լեհաստանում հրթիռներ ընկնելու կապակցությամբ
Քաղաքականություն
16.11.2022 | 14:04
ՆԱՏՕ-ի գլխավոր քարտուղար Յենս Ստոլտենբերգը Հյուսիսատլանտյան դաշինքի նիստ կանցկացնի Լեհաստանի տարածքում պայթյունների հարցով։ Այս մասին ասված է ՆԱՏՕ-ի կայքում հրապարակված հաղորդագրությունում։
«Չորեքշաբթի՝ 2022 թվականի նոյեմբերի 16-ին, ՆԱՏՕ-ի գլխավոր քարտուղար Յենս Ստոլտենբերգը կնախագահի Հյուսիսատլանտյան խորհրդի նիստը, որի ընթացքում կքննարկվի երեկվա պայթյունները Լեհաստանի արևելքում՝ Ուկրաինայի հետ սահմանների մոտ»,- ասված է հայտարարության մեջ:
Հիշեցնենք՝ երեկ տեղեկություններ հայտնվեցին, որ երկու հրթիռ է ընկել Լեհաստանի Լյուբելսկի շրջանի Պրժևոդովի ֆերմայում, որը գտնվում է Ուկրաինայի հետ սահմանից 65 կմ հեռավորության վրա։ Պայթյունի հետևանքով երկու մարդ է զոհվել։
Փորձագետները դեռևս հետաքննում են միջադեպի հանգամանքները, սակայն ԱՄՆ նախագահ Ջո Բայդենը հայտարարել է, որ «նախնական տեղեկություններ ունի, որոնք վիճարկում են» այն ենթադրությունը, որ հրթիռն արձակվել է ռուս զինվորականների կողմից։
Ավելի վաղ Լեհաստանի իշխանությունները հայտնել էին, որ Պրժևոդուվ գյուղում ընկած հրթիռը ռուսական արտադրության է։
Տաթև Ֆռանգյան
