07.06.2026 | 16:21
Աննախադեպ ակտիվություն՝ վերջին 10 տարում․ Հայաստանն ընտրում է․ ՈՒՂԻՂ
Գնաճը ՀՀ-ի մարտահրավերներից է․ այն կազմում է 9․5%. Գևորգ Պապոյան․ ՏԵՍԱՆՅՈՒԹ
Տնտեսություն
16.11.2022 | 13:51
«2023 թ. բյուջեն և՛ սոցիալական է, և՛ անվտանգային, և՛ զարգացման, և՛ առկա մարտահրավերներին արձագանքող»,- այս մասին մասին ԱԺ-ում բյուջեի մասին նախագիծը ներկայացնելիս հայտնեց հարակից զեկուցողը՝ ԱԺ ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը։
Անդրադառնալով գնաճի խնդրին՝ պատգամավորը նշեց, որ այս պահի դրությամբ այն Հայաստանում 9,5 տոկոսի շրջանակում է, որը հարեւան երկրների համեմատ ամենացածրն է՝ Թուրքիայում 85,5 տոկոս է, Իրանում՝ 52,2 տոկոս, Ադրբեջանում՝ 13,6 տոկոս, Վրաստանում՝ 10,6 տոկոս:
Գևորգ Պապոյանը համոզմունք հայտնեց, որ գնաճի չեզոքացման լավագույն տարբերակներից են աշխատատեղերի ստեղծումն ու աշխատավարձերի բարձրացումը: Այդ համատեքստում նա նշել է, որ 2022 թ. ինն ամսվա կտրվածքով Հայաստանում միջին աշխատավարձն ավելացել է 13,4 տոկոսով՝ հասնելով 225.500 դրամի:
«Փաստացի միջին աշխատավարձի աճն ավելի առաջանցիկ տեմպերով է աճել, քան գնաճը: Պետական հատվածում այն աճել է 4,5 տոկոսով, մասնավորում՝ 16,2 տոկոսով»,- նշեց պատգամավորը:
Պապոյանը նաև ընդգծեց, որ 2023 թ. մինչև 25 տոկոսով կբարձրանան աշխատավարձերը:
Մանրամասները՝ տեսանյութում։
