18.12.2025 | 19:15
Նավթային շրջանն ավարտվում է. Ադրբեջանը 2027-2035 թվականներին կբախվի խորը ճգնաժամի. հետազոտություն
Ավելի քան մեկ դար է, ինչ Հայաստանը եղել է մեր վախկոտության, մեր կեղծավորության ու մեր դավաճանությունների հայելին. ֆրանսիացի սենատոր
Քաղաքականություն
16.11.2022 | 12:29
Ֆրանսիայի Սենատի անդամ, պատմաբան, հնագետ Պիեռ Ուզուլիան Սենատում Հայաստանի օկուպացված տարածքներից Ադրբեջանի զինված ուժերի անհապաղ դուրսբերման, հրադադարի մասին 2020 թ․ նոյեմբերի 9-ի համաձայնագրի կիրարկման ապահովման և Ադրբեջանի դեմ պատժամիջոցներ սահմանելու կոչով բանաձևի քննարկման ժամանակ ելույթ ունենալիս ափսոսանք է հայտնել Եվրահանձնաժողովի նախագահ Ուրսուլա ֆոն դեր Լեյենի կողմից Բաքվի հետ էներգետիկ գործարք կնքելու ժամանակ Ադրբեջանին «վստահելի գործընկեր» անվանելու առնչությամբ։
«Ցավալի է, որ հուլիսին Ուրսուլա ֆոն դեր Լեյենը մեկնել է Բաքու՝ կնքելու էներգետիկ գործարք՝ միաժամանակ Ադրբեջանին անվանելով «վստահելի գործընկեր»»,- ասել է սենատորը՝ կոչ անելով չմոռանալ եվրոպական արժեքներն ու սկզբունքները ու չփոխարինել դրանք գազով և նավթով:
«Ավելի քան մեկ դար է, ինչ Հայաստանը եղել է մեր վախկոտության, մեր կեղծավորության ու մեր դավաճանությունների հայելին»,- ելույթը շարունակել է Ուզուլիան՝ Ֆրանսիայի կառավարությանը կոչ անելով օգտագործել ողջ դիվանագիտական զինանոցը և էմբարգո կիրառել Ադրբեջանից գնումների դեմ։
