13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Մեզ համար կարևոր է, որ ՌԴ-ն ասաց՝ կապ չունի․ Էրդողանը՝ Լեհաստանում ընկած հրթիռի մասին
Քաղաքականություն
16.11.2022 | 15:25
Թուրքիայի նախագահ Ռեջեփ Թայիփ Էրդողանը Բալիում G20 գագաթնաժողովն ամփոփող մամուլի ասուլիսում անդրադարձել է նախօրեին Լեհաստանին հարվածած հրթիռին։ Անադոլու գործակալության փոխանցմամբ՝ Էրդողանը հայտարարել է, որ հարգում է Ռուսաստանի արձագանքը Լեհաստանում ընկած հրթիռի պայթյունի վերաբերյալ։
«Մեզ համար կարևոր է, որ ՌԴ-ն հայտարարել է, որ դրա հետ կապ չունի»,-ասել է Թուրքիայի նախագահը։
Նա նաև հայտնել է, որ այդ հարցը քննարկել է Գերմանիայի կանցլեր Օլաֆ Շոլցի հետ այսօր տեղի ունեցած հանդիպմանը։
«Շոլցն ընդգծել է հարցի մանրամասն հետաքննության կարևորությունը։ Բայդենի խոսքերն այն մասին, որ հրթիռը ռուսական արտադրության չէ, խոսում է այն մասին, որ ՌԴ-ն առնչություն չունի կատարվածի հետ։ Միաժամանակ, կարևոր է կատարվածի համակողմանի ուսումնասիրությունն ու վերլուծությունը»,- ասել է Էրդողանը։
Հիշեցնենք, որ նախօրեին երկու հրթիռ էր ընկել Լեհաստանի Լյուբելսկի Պրժևոդովի ֆերմայում, որի հետևանքով զոհվել է երկու մարդ։
Էմմա Չոբանյան
