05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Չեխ օրենսդիրները ՌԴ-ն հռչակել են ահաբեկչությունը հովանավորող պետություն
Քաղաքականություն
16.11.2022 | 13:43
Չեխիայի Հանրապետության խորհրդարանի ստորին պալատը ՌԴ-ն հռչակել է ահաբեկչությունը հովանավորող պետություն։ Բանաձևը դատապարտել է Ռուսաստանի ներխուժումն Ուկրաինա և չի ճանաչել ուկրաինական չորս շրջանների բռնակցման վերաբերյալ հանրաքվեները, գրում է VOA-ն։
Ռուսաստանն ահաբեկչությունը հովանավորող պետություն հռչակող բանաձևի նախագծին աջակցել են 156 պատգամավորներից 129-ը։ Ծայրահեղ աջ «Ազատություն և ուղղակի ժողովրդավարություն» կուսակցության 14 պատգամավոր դեմ է քվեարկել, իսկ 13 պատգամավոր՝ ձեռնպահ։
Չեխիայի խորհրդարանի ստորին պալատը դատապարտել է «ռուսական ագրեսիան Ուկրաինայում», մասնավորապես «լայնածավալ» հարձակումները խաղաղ բնակչության, քաղաքացիական գույքի և հիմնական էներգետիկ ենթակառուցվածքների դեմ՝ ասելով, որ դրանք «հստակ փորձ» են «քաղաքացիական բնակչության ահաբեկման միջոցով» քաղաքական նպատակներին հասնելու համար։
Տաթև Ֆռանգյան
