16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Խնդրում եմ վարման կարգով այլևս թույլ չտալ խոսել բովանդակությունից. Ռուբինյանը՝ Սիմոնյանին. ՏԵՍԱՆՅՈՒԹ
Քաղաքականություն
16.11.2022 | 11:17
ԱԺ-ում շարունակվում են երեկ մեկնարկած քառօրյայի աշխատանքները։
«Խնդրում եմ վարման կարգով այլևս թույլ չտալ խոսել բովանդակությունից»,- դիմելով ԱԺ նախագահ Ալեն Սիմոնյանին՝ հորդորեց ԱԺ փոխնախագահ Ռուբեն Ռուբինյանը։
«Պայմանավորվեցինք»- արձագանքեց Սիմոնյանը։
Նշենք, որ մինչ այդ, երբ ԱԺ նիստում քվեարկության դրվեց կառավարության կողմից ներկայացված «Զինծառայության եւ զինվորական կարգավիճակի մասին» օրենքում փոփոխությունների նախագիծը, «Հայաստան» խմբակցության պատգամավորները ձեռնպահ քվեարկեցին: Գեղամ Մանուկյանը հայտարարեց. «Այս նախագծի հետ կապված բնական է՝ անհնար է մերժել զինված ուժերին կամավորության սկզբունքով երկարատև ծառայության անցնելու ցանկացած նախաձեռնություն և դա խրախուսելի է: Բայց պետք է արձանագրել, որ հիմնավորումներում նշված, թե՝ «Ես եմ» ծրագիրը տապալվել է, որը ներդրվել է 2017-ին, տապալվել է 4 տարիների ընթացքում այս իշխանության օրոք»:
ԱԺ նախագահ Ալեն Սիմոնյանն արձագանքեց. «Ի՞նչ կապ ունի դա վարման կարգի հետ: Բա գայիք օրենքի քննարկման ժամանակ, ասեմ ավելին՝ հանձնաժողովի նիստի ժամանակ»:
Գեղամ Մանուկյանը փորձեց բացատրել, որ հիմնավորում է իրենց «ձեռնպահ» քվեարկելը: «Անջատե՛ք խոսափողը: Չի լինում վարման կարգի վերաբերյալ»,- արձագանքեց Ալեն Սիմոնյանը։
