30.10.2026 | 18:32
ԱՄՆ վերաքննիչ դատարանը կասեցրել է որոշումը, որը Պետդեպին պարտավորեցվել էր «Գրին քարտի» խաղարկություն անցկացնել
Ռուսաստանի այսօրվա հրթիռային հարձակումն Ուկրաինայի վրա ամենազանգվածայինն է. արձակվել է մոտ 100 հրթիռ
Քաղաքականություն
15.11.2022 | 20:21
Այսօր Ռուսաստանի կողմից Ուկրաինայի դեմ հրթիռային հարվածները, հնարավոր է, ամենազանգվածայինն են պատերազմի ընթացքում։ Այս մասին հայտնում է ուկրաինական մամուլը` վկայակոչելով Ուկրաինայի ռազմաօդային ուժերի մամուլի կցորդին, գրում է BBC-ռուսական ծառայությունը։
Հաղորդվում է, որ ռուսական ուժերը շուրջ 100 հրթիռ են արձակել։
«Նրանք գերազանցել են հոկտեմբերի 10-ը, երբ արձակվել էր 84 հրթիռ»,- ասել է Ուկրաինայի ռազմաօդային ուժերի ներկայացուցիչը։
Ուկրաինայի նախագահի աշխատակազմի ղեկավարի տեղակալ Կիրիլ Տիմոշենկոն էլ հայտնել է, որ այսօրվա հարվածների մեծ մասը եղել է Ուկրաինայի կենտրոնում և հյուսիսում։ Կիևի մոտ խոցված հրթիռներից զատ՝ հարված է հասցվել Ուկրաինայի հյուսիս-արևմուտքում՝ Բելառուսի և Լեհաստանի սահմաններին գտնվող Կովել քաղաքի էներգետիկ ենթակառուցվածքի օբյեկտին:
Նախնական տվյալներով՝ այսօր Կիևի վրա ռուսական հրթիռային հարձակման հետևանքով մեկ մարդ է զոհվել։
«Հայտնի է դարձել մեկ զոհի մասին բնակելի տան վրա հարձակման հետևանքով Պեչերսկի շրջանում»,- հայտնել է Կիևի ռազմական վարչակազմի մամուլի ծառայությունը։
Էմմա Չոբանյան
