17.08.2026 | 23:08
Զորականում և Ամասիայում շչակներ են փորձարկվելու
Այս ռումբը պիտի պայթեր․ ՀՀ-ն հանձնել էր ԼՂ-ի նկատմամբ իր իրավունքները․ Մանվել Սարգսյան. ՏԵՍԱՆՅՈՒԹ
Քաղաքականություն
15.11.2022 | 21:10
Քաղաքագետ Մանվել Սարգսյանը Factor TV-ի հարցազրույցում ասում է, որ թե՛ 1991-1994-ի, թե՛ 2020 թվականի պատերազմն ունեցել է խորքային պատճառներ, որոնցից գլխավորը Հայաստանի կողմից իր իրավունքներից աստիճանական հրաժարումն էր, ինչի հետևանքով Ադրբեջանը ձեռք բերեց պատերազմի իրավունք։ 1991-ին ՀՀ-ն որոշում ընդունեց միանալ ԱՊՀ-ին, իսկ թե դա ինչ որոշում էր, տարիներ ի վեր փորձ չի արվել քաղաքական էլիտաներում հասկանալ․
«Բայց այդ որոշումը հենց սկիզբն էր այն քաղաքականության, որը հետո շարունակվեց։ 1991-ին, ՀՀ-ն միանալով ԱՊՀ-ի ստեղծման պայմանագրին, ճանաչեց Ադրբեջանը՝ այնպես, ինչպես այն կա։ Որևէ կերպ Արցախի խնդիրը չի շոշափվել՝ այնպես, ինչպես այն կա, չի շոշափվել, որ կա նման խնդիր։ Հիմա էլ ինչ-որ մարդիկ կան, որ ասում են՝ դա չի նշանակում, որ Արցախը ճանաչվել է Ադրբեջանի կազմում։ Բայց իրականությունը պետք է գնահատել այն հետևանքներով, որ այն բերել է։ Ադրբեջանը, հասկանալով, որ Հայաստանի կողմից ստացել է նման ճանաչում, հանգիստ պատերազմ է սկսել՝ անընդհատ թմբկահարելով ՄԱԿ-ի 91-րդ հոդվածը, որը պետությանը հնարավորություն է տալիս ինքնապաշտպանվել»,- ասաց քաղաքագետը։
Մանվել Սարգսյանը պնդում է, որ ռումբ է դրված եղել կոնֆլիկտի հիմքում, որը պետք է մի օր պայթեր, ինչը տեղի ունեցավ 2020-ին։
Հարցազրույցն ամբողջությամբ՝ տեսանյութում։
Ռոբերտ Անանյան
