30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ռևանշն է Քոչարյանի և Սերժ Սարգսյանի ղեկավարած ուժերի խնդիրը, ոչ՝ Արցախը․ ինչո՞վ էիք զբաղված այս ամիսներին․ Արմեն Խաչատրյան․ ՏԵՍԱՆՅՈՒԹ
Քաղաքականություն
15.11.2022 | 22:02
Յոթ ամսվա բոյկոտից հետո խորհրդարանական ընդդիմադիր ուժերը՝ «Հայաստան» և «Պատիվ ունեմ» դաշինքները վերադարձան խորհրդարան։ Ապրիլ-մայիսին ՀԱԿ-ը չմիացավ փողոցային գործողություններին, Factor TV տաղավարում ՀԱԿ անդամ Արմեն Խաչատրյանն ասում էր, որ հասկանալի չէ, թե ինչ է առաջարկում ԱԺ-ի ընդդիմությունը նույն ԼՂ-ի հարցով, ինչո՞վ են տարբերվում իշխանության և նրա տեսակետները։
Ընդդիմադիր քաղաքական ուժի անդամը նշում է՝ որպեսզի ինքը հասկանար, թե ի՞նչ տեղի ունեցավ բոյկոտի այս յոթ ամիսների ընթացքում, պետք է ինքը նախ կարողանար հասկանալ, թե ինչ էր տեղի ունենում ամիսներ առաջ՝ ինչ գործողությունների էին գնում այդ ուժերը․
«Ինքս միշտ հակված եմ եղել այն մտքին, որ նվաստացուցիչ պարտություն բերած իշխանությունը իրավունք չունի շարունակել պաշտոնավարել։ Երկու բան էի ասում, որ պարտված իշխանությունը պիտի հեռանա և պնդում էի, որ Արցախի հարցով գլխավոր բանակցողը պիտի փոխվի։ Թեև ունեմ այդ տեսլականը, թե ինչպիսի պայմաններում և ով կարող է փոխարինել գլխավոր բանակցողին, բայց երբեք չեմ ասել՝ ում եմ տեսնում այդ գործում։ ԱԺ-ի ընդդիմության դեպքում խնդիրը ոչ Հայաստանն է եղել, ոչ էլ Արցախը՝ այստեղ խոսքը գնում էր զուտ ռևանշի մասին։ Իրենց ասածն է՝ Նիկոլ Փաշինյանին հեռացնեն, իրենք գան իշխանության։ Պատմական այս իրավիճակում՝ ինչքան որ Նիկոլ Փաշինյանի մնալն է կործանարար, գուցե այդքան էլ կործանարար կլիներ այս ուժերի՝ ռևանշի նպատակով իշխանության գալը»,- նշեց Հայ ազգային կոնգրեսի անդամը։
Հարցազրույցն ամբողջությամբ՝ տեսանյութում։
Ռոբերտ Անանյան
