07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Մակրոնն ու Էրդողանը քննարկել են տարածաշրջանային օրակարգի արդիական հարցեր
Քաղաքականություն
15.11.2022 | 18:16
Թուրքիայի նախագահ Ռեջեփ Թայիփ Էրդողանը հանդիպել է Ֆրանսիայի նախագահ Էմանուել Մակրոնի հետ։ Այս մասին հայտնում է Թուրքիայի նախագահի աշխատակազմի հանրության հետ կապերի գրասենյակը, գրում է Անադոլու գործակալությունը։
Հանդիպումը տեղի է ունեցել Ինդոնեզիայի Բալի կղզում անցկացվող G20-ի գագաթնաժողովի շրջանակում։ Հանդիպման ընթացքում Ֆրանսիայի նախագահը ցավակցություն է հայտնել Ստամբուլում տեղի ունեցած ահաբեկչության զոհերի կապակցությամբ։
Նշվում է, որ նախագահները քննարկվել են թուրք-ֆրանսիական համագործակցության խորացման ու տարածաշրջանային օրակարգի արդիական հարցեր։ Էրդողանը նշել է, որ պաշտպանության, էներգետիկ և առևտրի ոլորտներում համագործակցության խորացումը երկկողմ հետաքրքրություն է ներկայացնում։ Նա նաև Մակրոնին պատմել է «հացահատիկի համաձայնագրի» վերականգնմանն ուղղված ակտիվ ջանքերի մասին՝ նշելով, որ ԵՄ-ն նույնպես պետք է նպաստի միջանցքի արդյունավետությանը։
Թուրքիայի նախագահը նաև բողոքել է Հունաստանի քաղաքականությունից։
Էմմա Չոբանյան
