18.08.2026 | 11:45
Բեն Լադենին պատրաստվո՞ւմ եք «արդար» անվանել, «անմեղ նահատակ»․ ԱԺ-ում իրավիճակը լարվեց․ ՏԵՍԱՆՅՈՒԹ
Ռուսական զորքերը Դոնբասում կարող են առաջիկայում hաջողություն ունենալ, սակայն աննշան. ISW
Քաղաքականություն
15.11.2022 | 22:48
Պատերազմի ուսումնասիրության ամերիկյան ինստիտուտը (ISW) Ուկրաինայում ռազմական իրավիճակի ամենօրյա զեկույցում կանխատեսում է հայտնել, որ ռուսական զորքերը, ամենայն հավանականությամբ, իրենց ուժերը կտեղափոխեն Դոնեցկի շրջան՝ Խերսոնից նահանջելուց հետո՝ ակտիվացնելու գործողությունները Դոնեցկի, Բախմուտի ու Դոնեցկի շրջանի արևմտյան հատվածում։ Ինստիտուտի փորձագետները նշում են, որ Ռուսաստանը կարող է առաջիկայում հաջողությունների հասնել Դոնբասում, բայց՝ սահմանափակ, գրում է BBC-ի ռուսական ծառայությունը։
ՌԴ ՊՆ-ն վերջին օրերին հայտարարում է Դոնեցկի շրջանում մի շարք բնակավայրերի գրավման մասին։ Նախօրեին խոսքը Պավլովկայի մասին էր՝ այն բանից հետո, երբ մի քանի շաբաթվա ընթացքում ռուս զինվորականները չէին հայտարարում տարածքային նվաճումների մասին։
Ըստ ISW-ի՝ Խերսոնի շրջանում Դնեպրի աջ ափից ռուսական զորքերի դուրսբերմանը կհետևի Բախմուտի շուրջ ռազմական գործողությունների ակտիվացումը։
«Ռուսական ուժերը, ամենայն հավանականությամբ, հաջողության կհասնեն Դոնեցկի շրջանում առաջիկա օրերին կամ շաբաթներին, սակայն այդ հաջողությունները դժվար թե նշանակալի լինեն օպերատիվ տեսանկյունից»,- գրում են փորձագետները։
Զեկույցում ասվում է, որ ՌԴ ՊՆ-ն, հավանաբար, ավելի կոնկրետ նպատակներ է դնում, որ ներկայացնի Ռուսաստանի հաջողությունները Դոնեցկի շրջանում և ուշադրությունը շեղի Խերսոնի հանձնումից։
Էմմա Չոբանյան
