27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Հեռուստաալիքների համար կսահմանվի հերթականություն. առաջին տեղում կլինի Հ1-ը․ Գաբրիելյան․ ՏԵՍԱՆՅՈՒԹ
Տեսանյութեր
15.11.2022 | 14:17
Պատգամավորներ Սիսակ Գաբրիելյանը, Նարեկ Բաբայանը եւ Հակոբ Ասլանյանն առաջարկում են միասնական կիրառություն սահմանել հանրային մուլտիպլեքսում ներառված բոլոր տեսալսողական ծրագրերի հեռարձակման հերթականության համար` անկախ սփռման տարածքից, օպերատորից և հեռարձակողից:
«Տեսալսողական մեդիայի մասին» օրենքում առաջարկվող կարգավորումներն ԱԺ նոյեմբերի 15-ի նիստում առաջին ընթերցմամբ մանրամասնել է Սիսակ Գաբրելյանը:
Գործող ցանցային օպերատորներն իրենց տրամադրված տեսալսողական ծրագրերի տարածման հերթականությունը սահմանում են ինքնուրույն: Սա, ըստ նախագծի հեղինակների, սպառողի համար առաջացնում է օգտվելու անհարմարություններ և դժգոհություն, քանի որ հեռարձակվող ծրագրերը հեռուստալսարանին տարբեր հերթականությամբ են հասանելի:
«Այսօր ունենք ՀՀ-ում գործող մոտ 6 տասնյակ կաբելային օպերատորներ, նաև հանրային մուլտիպլեքսը՝ հանրապետական ու մայրաքաղաքային սփռմամբ, բայց այստեղ խնդիր կա, որ չկան հերթականությունները սահմանող նորմատիվ իրավական ակտեր»,- ասաց Գաբրիելյանը:
Այսպես, առաջարկվում է սահմանել հանրային մուլտիպլեքսում ներառված բոլոր տեսալսողական ծրագրերի եթեր հեռարձակման հերթականությունը:
«Առաջին տեղերում կլինեն հանրային հեռարձակողները, հետո կլինի հանրապետական սփռումը, մայրաքաղաքայինը, հետո տալիս ենք մարզային հեռուստաընկերություններին: Եթե հիմա մարզային հեռուստաընկերություններն անգամ շատ կաբելային օպերատորների ցանցերում գոյություն չունեն, իրենք օրենքով պարտավորված կլինեն, 15-30 միջակայքում կլինեն»,- նշեց Գաբրիելյանը:
Մանրամասները՝ տեսանյութում։
