13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ստամբուլում տեղի ունեցած պայթյունի գործով ձերբակալվածների թիվն ավելացել է՝ հասնելով 50-ի
Քաղաքականություն
15.11.2022 | 14:01
Թուրքիայի արդարադատության նախարար Բեքիր Բոզդաղը հայտարարել է, որ Ստամբուլի կենտրոնական Իսթիքլալ պողոտայում նոյեմբերի 13-ին տեղի ունեցեած պայթյունի գործով ձերբակալվածների թիվը հասել է 50-ի, գրում է TRT Haber-ը։
Նա նշել է, որ ահաբեկչության հետաքննության շրջանակն ընդլայնվում է։ Ահաբեկչության կազմակերպիչը, ըստ թուրքական իշխանությունների, ձերբակալվել է։ Ոստիկանության իրականացրած գործողության արդյունքում ձերբակալվել են նաև պայթյունի հետ կապ ունեցողները։
Մասնավորապես, Ազգային մեծ ժողովի բյուջեի ու պլանավորման հանձնաժողովի նիստում Բոզդաղը հայտնել է, որ ձերբակալվածների թիվն ավելացել է՝ հասնելով 50-ի։
Հիշեցնենք, որ նոյեմբերի 13-ին Ստամբուլի Իսթիքլալ պողոտայում պայթյուն էր որոտացել, որի հետևանքով զոհվել է առնվազն 6 մարդ, վիրավորվել՝ 81-ը: Թուրքիայի ներքին գործերի նախարար Սուլեյման Սոյլուն պայթյունի համար մեղադրել է Քուրդիստանի աշխատավորական կուսակցությանը (PKK):
Թուրքիայի ոստիկանությունը պայթյունի իրականացման կասկածանքով ձերբակալել է սիրիացի կնոջ, որին մեղադրում է PKK-ի հետ կապերի մեջ։
Էմմա Չոբանյան
