27.02.2026 | 16:48
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
Քաղաքական գործիչներ կան, որոնց երեխաները ծնվում են արտերկրում, որպեսզի բանակում չծառայեն. Պապիկյան․ ՏԵՍԱՆՅՈՒԹ
Հասարակություն
15.11.2022 | 12:22
ՀՀ ազգային ժողովում «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքի նախագծի քննարկման ժամանակ «Քաղաքացիական պայմանագիր» խմբակցության պատգամավոր Շիրակ Թորոսյանը ՀՀ պաշտպանության նախարար Սուրեն Պապիկյանին առաջարկեց վերանայել այն օրենքը, որի համաձայն` եթե օտարերկրյա մինչև 27 տարեկան երիտասարդը ՀՀ քաղաքացիություն է ձեռք բերում, ապա զորակոչման է ենթակա։ Սակայն, ըստ Թորոսյանի, օտարերկրյա այն քաղաքացին, որը ՀՀ–ում մշտական բնակություն չունի և ծառայել է օտար երկրի բանակում, ՀՀ–ում քաղաքացիություն ստանալու դեպքում չզորակոչվի։
«Այս հարցի հետ կապված քննարկումներ ունեցել ենք։ Սա արդիական խնդիր է, սակայն ամեն ինչ այնքան պարզ չէ։
Ունենք քաղաքական գործիչներ, որոնց զավակները կամ թոռները հատուկ ծնվում են արտերկրում, որ քաղաքացիություն ստանան և ՀՀ-ում ծառայությունից ազատվեն։
Ես հասկանում եմ, որ ձեր խոսքը ջավախահայերի և այն հայերի մասին է, որոնք դրսում արդեն ծառայել են, ունեն զինվորական գրքույկ, սակայն քանի որ երկքաղաքացի են կամ ծնողների բերումով՝ ՀՀ քաղաքացի են դառնում, իրենք դառնում են զինապարտ։ Այստեղ բազում խութեր կան։ Պատրաստ ենք խորքայինն քննարկել այս հարցերը։ Մեր սփյուռքահայությունը սփռված է ամբողջ աշխարհում, և այս հարցերը առնչվում են բոլորին․․․»,–նշեց Պապիկյանը։
Մանրամասները՝ տեսանյութում։
