07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ՄԱԿ-ում հերթական հակառուսական բանաձև է ընդունվել․ ինչպես է քվեարկել Հայաստանը
Քաղաքականություն
15.11.2022 | 11:41
ՄԱԿ-ի Գլխավոր ասամբլեան բանաձև է ընդունել Ռուսաստանի կողմից Ուկրաինային փոխհատուցումներ վճարելու մեխանիզմի մասին։ Փաստաթուղթը նախատեսում է Ռուսաստանի կողմից Ուկրաինային պատճառված վնասների միջազգային ռեգիստրի ստեղծում, ինչպես նաև ճանաչում է այդ կորուստները փոխհատուցելու մեխանիզմ ստեղծելու անհրաժեշտությունը։
Բանաձևին կողմ է քվեարկել 94 երկիր, դեմ՝ 14։ Բացի Ռուսաստանից դեմ են քվեարկել Բելառուսը, Իրանը, Չինաստանը, Հյուսիսային Կորեան, Կուբան, Մալին, Նիկարագուան, Սիրիան, Բահամյան կղզիների Համագործակցությունը, Կենտրոնական Աֆրիկայի Հանրապետությունը, Էրիթրեան, Զիմբաբվե և Եթովպիան։
Նախկին խորհրդային հանրապետություններից բանաձևին աջակցել են Վրաստանը, Լատվիան, Լիտվան, Մոլդովան, Ուկրաինան և Էստոնիան։ 73 պետություն ձեռնպահ է մնացել քվեարկությունից։ Նախկին խորհրդային հանրապետություններից ձեռնպահ են քվեարկել Հայաստանը, Ղազախստանը, Ղրղզստանը, Տաջիկստանը և Ուզբեկստանը։ Ադրբեջանն ու Թուրքմենստանը չեն մասնակցել քվեարկությանը։ Բանաձևին աջակցած պետությունների թվում եղել է Թուրքիան:
Տաթև Ֆռանգյան
