16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Վրաստանը 2023 թվականին կսկսի ԱԹՍ-ների զանգվածային արտադրությունը
Քաղաքականություն
14.11.2022 | 21:29
Մոտ ժամանակներս վրաց-լեհական Delta-WB ընկերությունը կպատրաստի անօդաչու թռչող սարքերի փորձնական տարբերակը, իսկ հաջորդ տարի կսկսվի ԱԹՍ-ների զանգվածային արտադրությունը։ Այս մասին Ռուսթավի 2-ի եթերում հայտարարել է Վրաստանի պաշտպանության նախարար Ջուանշեր Բուրչուլաձեն, փոխանցում է Գրուզիա օնլայնը։
Նրա խոսքով՝ ընկերությունը հիմնադրվել է մասնագետների կողմից, որոնք կենտրոնացած են բարձր տեխնոլոգիաների վրա։ Պաշտոնյան վստահեցրել է, որ արտադրությունը զարգանում է ըստ նախատեսված պլանի։
Վրաց-լեհական Delta-WB ձեռնարկությունը ստեղծվել է վրացական Delta International-ի և լեհական WB Electronics-ի միջև կնքված պայմանագրի հիման վրա։
Վրաստանի Պաշտպանության նախարարությունն արդեն համաձայնագիր է ստորագրել Delta-WB-ի հետ տարածաշրջանում առաջին անօդաչու թռչող սարքերի ուսումնական կենտրոնի ստեղծման վերաբերյալ։ Կենտրոնը կվերապատրաստի Վրաստանի պաշտպանության ուժերի կազմը։
Տաթև Ֆռանգյան
