09.10.2026 | 12:10
Փաշինյան-Փեզեշքիան հանդիպում Թուրքմենստանում // Սիսիանում երեխային ապտակած ուսուցչուհին ձերբակալվել է․ ԼՈՒՐԵՐ
ԵՄ-ն Իրանի դեմ պատժամիջոցների նոր փաթեթ կընդունի
Քաղաքականություն
14.11.2022 | 20:54
ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելի հայտնել է, որ այսօր Եվրամիությունը նոր պատժամիջոցներ կսահմանի Իրանի դեմ, գրում է The National news-ը։
«Այսօր մենք կստանանք Իրանի դեմ պատժամիջոցների նոր փաթեթ։ Պատժամիջոցներ են կիրառվելու ցուցարարների ճնշումների համար պատասխանատուների նկատմամբ։ Երեկ ես զրուցել եմ Իրանի արտգործնախարարի հետ։ Մենք քննարկել ենք, այսպես կոչված, միջուկային համաձայնագիրը, ինչպես նաև ռազմական աջակցությունը, որը Իրանի կողմից ցուցաբերվում է Ռուսաստանին, և որը պետք է դադարեցվի»,- հայտարարել է Բորելը Բրյուսելում, որտեղ ընթանում է ԵՄ անդամ երկրների արտգործնախարարների հանդիպումը։
Նրա խոսքով՝ Եվրամիությունն ապացույցներ ունի, որ Իրանն անօդաչու սարքեր է մատակարարում Ռուսաստանին։
Ինչ վերաբերում է հրթիռների մատակարարմանը, Բորելի խոսքով՝ Բրյուսելը դեռ չունի դա հաստատող բավարար փաստաթղթեր։
Տաթև Ֆռանգյան
