30.10.2026 | 17:34
«Ապրելու երկիրը» կմասնակցի Կապանի ՏԻՄ ընտրություններին․ ցուցակը կգլխավորի Տիգրան Աղասյանը
Ուկրաինայի դրոշը վերադարձավ Խերսոն․ Զելենսկին Կրեմլին մեղադրում է ռազմական հանցագործությունների մեջ․ ՏԵՍԱՆՅՈՒԹ
Քաղաքականություն
14.11.2022 | 18:32
Ուկրաինայի Խերսոնի շրջանի իշխանությունները բնակիչներին կոչ են արել տարհանվել Դնեպրի արևմտյան ափի շրջաններից։ Վարչակազմի ղեկավար Յարոսլավ Յանուշևիչը հայտարարել է քաղաքացիական օբյեկտներին ռուսական հարվածների սպառնալիքի մասին։ Նա խնդրել է կրճատել զանգվածային տոնակատարությունները, որոնք շարունակվում են արդեն երկու օր։
Ուկրաինայի նախագահ Վլադիմիր Զելենսկին իր հերթին ռուսական բանակին մեղադրել է Խերսոնի օկուպացիայի ժամանակ ավելի քան 400 ռազմական հանցագործություն կատարելու համար։
«Քննիչներն արդեն փաստագրել են ռուսական ավելի քան 400 ռազմական հանցագործություն և հայտնաբերել ինչպես զինվորների, այնպես էլ խաղաղ բնակիչների դիեր: Խերսոնի մարզում ռուսական բանակն իրագործել է նույն վայրագությունները, ինչ մեր երկրի մյուս շրջաններում։ Մենք կգտնենք և պատասխանատվության կենթարկենք յուրաքանչյուր մարդասպանի»,- հայտարարել է Զելենսկին
Քաղաքում չկա էլեկտրականություն և ջուր։ Կոմունալ ծառայությունները խոստանում են վերականգնել ավերված ենթակառուցվածքները, երբ սակրավորներն ավարտեն պայթուցիկ օբյեկտների որոնման և մաքրման աշխատանքը։ Զինվորական հրամանատարությունը զգուշացնում է, որ դիվերսիոն խմբերը կարող են մնացած լինել տարածաշրջանում։
Խերսոնից ռուսական ուժերի նահանջից հետո ամենակատաղի մարտերն ընթանում են Դոնեցկի շրջանում։ Զելենսկին այս տարածքներում ստեղծված իրավիճակը «դժոխք» է անվանել։ Մոսկվայի և Կիևի ներկայացրած զեկույցներում խոսվում է Բախմուտի և Ավդիիվկայի մոտ դիրքերի պաշտպանության, ինչպես նաև հրթիռային և հրետանային հարվածների մասին։
Ռուսաստանի Պաշտպանության նախարարությունը հայտնել է Գորլովկա Մայորսկայի հյուսիսային արվարձանի գրավման մասին, Ուկրաինայի Լուգանսկի շրջանի վարչակազմն էլ հայտարարում է Լուգանսկից հյուսիս-արևմուտք Մակեևկայի նկատմամբ վերահսկողության վերականգնման մասին։
Մանրամասները՝ տեսանյութում։
Տաթև Ֆռանգյան
