15.09.2026 | 16:53
Ըստ ՔԿ-ի՝ տղամարդը կնոջը դուրս է գցել ընթացող մեքենայից՝ 4-ամյա դստեր ներկայությամբ
Խոշտանգումների գործերը քննչական մարմինները չեն սիրում բացահայտել. Ժաննա Ալեքսանյան․ ՏԵՍԱՆՅՈՒԹ
Հասարակություն
11.11.2022 | 12:45
«Ակնհայտ է, որ մամուլը մեծ դեր է ունեցել, քանի որ Խալաֆյանի դատավարությունը հետևողականորեն լուսաբանվում էր․ դեպքն արտառոց էր՝ սպանություն ոստիկանությունում»,- այս մասին «Ոստիկանության բաժանմունքում մահացած Խալաֆյանի գործով ՄԻԵԴ վճռի ազդեցությունը համակարգի վրա» թեմայով քննարկման ժամանակ նշեց «Լրագրողներ հանուն մարդու իրավունքների» ՀԿ նախագահ Ժաննա Ալեքսանյանը։
Նշենք, որ Չարենցավանի ոստիկանության բաժնում 2010-ին մահացած Վահան Խալաֆյանի գործով Մարդու իրավունքների Եվրոպական դատարանը վճիռ է կայացրել Հայաստանի դեմ։ ՄԻԵԴ-ն արձանագրել է, որ 12 տարի առաջ Չարենցավանի ոստիկանական բաժանմունքում խախտվել են 24-ամյա Վահան Խալաֆյանի կյանքի և խոշտանգումներից զերծ մնալու իրավունքները։ Ստրասբուրգյան դատարանը ՀՀ-ին պարտավորեցրել է եռամսյա ժամկետում 50 հազար եվրո վճարել Խալաֆյաններին՝ որպես ոչ նյութական վնասի հատուցում:
Ժաննա Ալեքսանյանի դիտարկմամբ՝ թեև ոստիկանությունը տարիներ շարունակ բարձրաձայնում է իրականացվող բարեփոխումների մասին, սակայն հիմա էլ կան ոստիկանական բաժանմունքներ, որտեղ շարունակվում են բռնություններն ու խոշտանգումները։
«Խոշտանգումների գործերը քննչական մարմինները չեն սիրում բացահայտել,- ընդգծեց իրավապաշտպանը,- իրավապահ համակարգը պետք է խելքը գլուխը հավաքի»։
Մանրամասները՝ տեսանյութում։
