15.07.2026 | 22:23
Հայտնի է՝ հուլիսի 16-ին որ հասցեներում էլեկտրամատակարարումը կդադարեցվի
Զելենսկին՝ Խերսոնից ՌԴ զորքերի դուրսբերման մասին. դատավորի գործը Հակակոռուպցիոն դատարանում է․ Լուրեր
10.11.2022 | 19:28
- Նոյեմբերի 6-ից 9-ը Եգիպտոսի Հանրապետությունում մասնակցելով ՄԱԿ-ի Կլիմայի փոփոխության մասին կոնվենցիայի մասնակիցների 27-րդ համաժողովին` Հանրապետության նախագահ Վահագն Խաչատուրյանը հանդիպումներ և առանձնազրույցներ է ունեցել մի շարք երկրների ղեկավարների հետ, մասնակցել կլիմայի փոփոխության արդի մարտահրավերների և դրանց հաղթահարման ուղիների վերաբերյալ պլենար քննարկմանը, հանդես եկել ելույթով:
- Փոխվարչապետ Մհեր Գրիգորյանն ընդունել է Ռուսաստանի Դաշնության Դաշնային ժողովի Պետական Դումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կազբեկ Տայսաևի գլխավորած պատվիրակությանը։ Քննարկվել են համագործակցության երկկողմ օրակարգի արդիական հարցերը տնտեսության, մշակույթի ոլորտներում, ընդգծվել՝ ընթացիկ տարում փոխադարձ առևտրի ուղղությամբ արձանագրված զգալի աճը:
- Վարչական դատարանի դատավոր Անի Հարությունյանի վերաբերյալ քրեական վարույթը հաստատված մեղադրական եզրակացությամբ ուղարկվել է Հակակոռուպցիոն դատարան։ Ա.Հ.-ի նկատմամբ հարուցվել էր քրեական գործ՝ հանրային քրեական հետապնդում՝ դատական իշխանության մարմնի պաշտոնատար անձի կողմից հանցավոր ճանապարհով ստացված, առանձնապես խոշոր չափերով գույքի օրինականացմանն օժանդակելու, ինչպես նաև դատավոր Ա.Հ.-ի կողմից նույն չափերով հայտարարագրում կեղծ տվյալ ներկայացնելու համար։
Այս ժամի լուրերը՝ տեսանյութում։
