17.08.2026 | 23:08
Զորականում և Ամասիայում շչակներ են փորձարկվելու
Չէ՞ որ Նիկոլ Փաշինյանն էր բացում խաղաղության դարաշրջան, հիմա ասում է՝ Ադրբեջանի հետ այս պայմանով չի լինի խաղաղություն․ Կարին Տոնոյան․ ՏԵՍԱՆՅՈՒԹ
Քաղաքականություն
10.11.2022 | 19:32
ՀՀ իշխանությունները հայտարարում են, որ Ադրբեջանին միջանցք չեն տալու։ Նիկոլ Փաշինյանն այսօր կառավարության նիստում մեղադրեց Ալիևին խաղաղապահների դուրսբերման խոսույթ զարգացնելու համար, այսինքն՝ պատրաստում է ԼՂ-ի բնակչության ցեղասպանություն։
«Եթե որևէ մեկը մտածում է, թե խաղաղության օրակարգը ՀՀ-ի և ԼՂ-ի բնակչության խաղաղ ոչնչացումն է, չարաչար սխալվում է»։
Կառավարության ո՞ր մոտեցման հետ համաձայն չէ հանրային գործիչ Կարին Տոնոյանը։ Նա Factor TV-ի հարցազրույցում ասում է, որ այդ հարցը Նիկոլ Փաշինյանն ինքն իրեն պետք է տա․ «Չէ՞ որ այդ խաղաղության դարաշրջանն ինքն է բացում և հետո էլ ասում է, թե Ադրբեջանի հետ այս պայմաններում խաղաղություն հնարավոր չէ։ Այսինքն՝ մենք տեսնում ենք, որ այս իշխանությունը գլուխ չի հանում, թե ինքն ինչ է ուզում, ընդամենն ուզում է մնալ ջրի երեսին»,- ասաց տիկին Տոնոյանը։
Նա համոզված է, որ հնարավոր չէ Ադրբեջանի և Թուրքիայի հետ գնալ խաղաղության, որովհետև նրանք միտում ունեն վերացնել հայ ժողովրդին և ՀՀ-ի տարածքները միացնել իրենց։
Հարցազրույցն ամբողջությամբ՝ տեսանյութում։
Ռոբերտ Անանյան
