Ջո Բայդենը գոհ է ընտրություններում դեմոկրատների արդյունքից և պատրաստվում է առաջադրվել երկրորդ ժամկետի համար

ԱՄՆ նախագահ Ջո Բայդենը գոհունակություն է հայտնել, որ միջանկյալ ընտրությունների արդյունքներով Դեմոկրատական կուսակցությանը հաջողվել է պահպանել իր մանդատների մեծ մասը երկրի օրենսդիր ժողովում, գրում է BBC-ի ռուսական ծառայությունը։

Վերջնական արդյունքները դեռևս չեն հաստատվել, բայց Ամերիկային, Բայդենի խոսքով, հաջողվել է խուսափել «հսկայական կարմիր ալիքից», այսինքն՝ Հանրապետական կուսակցության թեկնածուների զանգվածային հաղթանակից, ինչը կանխատեսում էին վերլուծաբանները, չնայած Ներկայացուցիչների պալատում Հանրապետականները, կարծես թե, որոշակի առավելություն են ստանում։

Ավելին, դեմոկրատները դեռևս հնարավորություն ունեն Սենատում վերահսկողություն ստանալու, որտեղ դեռևս մանդատները հավասար են կիսվել՝ 48-ը՝ 48-ի դիմաց։

Սովորաբար միջանկյալ ընտրությունների ժամանակ ԱՄՆ-ում իշխող կուսակցությունը (այժմ՝ դեմոկրատները) զիջում է խորհրդարանի վերահսկողությունը մրցակիցներին, ինչը զգալիորեն բարդացնում է Սպիտակ տան կյանքը, քանի որ դա մեծապես բարդացնում է գործող վարչակազմի գրեթե ցանկացած նախաձեռնության ընդունումը Կոնգրեսի միջոցով:

Քանի որ ԱՄՆ-ի գնաճը հասել է չորս տասնամյակների ընթացքում ամենաբարձր մակարդակին և գործող նախագահի համեմատաբար ցածր վարկանիշին, հանրապետականները կարող էին հույսը դնել երկու պալատներում էլ հաղթանակի վրա, բայց, ի զարմանս վերլուծաբանների մեծամասնության, դա տեղի չունեցավ:

Անսպասելի հաջողությունից ոգևորված՝ նախագահը (ով մեկուկես շաբաթ անց կդառնա 80 տարեկան) կրկնեց երկրորդ ժամկետի համար առաջադրվելու իր մտադրությունը՝ ասելով. «Մենք կրկին կմասնակցենք ընտրություններին, ինչպես և նախատեսել էինք»:

Տաթև Ֆռանգյան