29.09.2026 | 10:30
«Նուբարյան Լաբ»-ն ու «World of Geniuses»-ը համագործակցության հուշագիր են ստորագրել
«Թուրքիան ցանկացած պահի կարող է մտնել Քանդիլ». Թուրքիայի փոխվարչապետ
Քաղաքականություն
05.06.2018 | 11:54
Թուրքիայի փոխվարչապետ և կառավարության խոսնակ Բեքիր Բոզդաղը կառավարությաան նիստից հետո լրագրողների հետ զրույցում խոսել է «Քուրդիստանի բանվորական կուսակցության» (PKK-ՔԲԿ) գլխավոր ռազմաբազայում՝ Քանդիլում ռազմական գործողություններ սկսելու հավանականության մասին. տեղեկացնում է ermenihaber-ը:
Նախարար Բոզդաղը, մեկնաբանելով նախորդ շաբաթվա ընթացքում թուրք զինվորների ներխուժումը Հյուսիսային Իրաք, նշել է որ դա նպատակ ունի կանխել քուրդ զինյալների ներթափանցումը Թուրքիա։
Անդրադառնալով Քանդիլում հնարավոր ռազմական գործողություն սկսելուն՝ Բոզդաղն ասել է.
«Թուրքիայի համար թիրախ են այն վայրերը, որտեղ ահաբեկիչ և ահաբեկչության սպառնալիք կա։ Մենք վճռական ենք երկրի ներսում և դրանից դուրս ահաբեկիչների դեմ պայքարում։ Սրանից հետո այն վայրերում, որտեղ կա ահաբեկչության վտանգ, Թուրքիան իրավունք ունի օպերացիա իրականացնել։ Այդ տեղերի մեջ է ներառվում նաև Քանդիլը։ Սրանից հետո Թուրքիան կարող է մտնել Քանդիլ և դա կարող է լինել ցանկացած պահի»։
