12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ուկրաինական ռազմական հրամանատարությունը ո՛չ հերքում, ո՛չ էլ հաստատում է Խերսոնից ռուսական զորքերի դուրսբերումը
Քաղաքականություն
10.11.2022 | 17:03
Ուկրաինական ռազմական հրամանատարությունն առայժմ չի կարողացել ո՛չ հերքել, ո՛չ հաստատել Խերսոնից ռուսական զորքերի դուրսբերման մասին տեղեկությունը։ Այս մասին նոյեմբերի 10-ին կայացած ճեպազրույցում հայտարարել է Ուկրաինայի Զինված ուժերի Գլխավոր շտաբի գլխավոր օպերատիվ տնօրինության պետի տեղակալ Ալեքսեյ Գրոմովը, գրում է Korrespondent-ը։
Նա նշել է, որ Խերսոնի ուղղությամբ Ուկրաինայի պաշտպանության ուժերը ոչնչացրել են հակառակորդին աջակցելու նյութատեխնիկական միջոցները, խախտել նրա հրամանատարության և կառավարման համակարգը՝ «այդպիսով հակառակորդին այլ ելք չթողնելով, քան օգտվել փախուստի հնարավորությունից»։
«Սակայն այս պահին մենք չենք կարող ո՛չ հերքել, ո՛չ հաստատել Խերսոնից ռուսական զորքերի, այսպես կոչված, դուրսբերման մասին տեղեկությունը: Մենք շարունակում ենք հարձակողական գործողություն իրականացնել մեր պլանի համաձայն: Սպասեք Ուկրաինայի Զինված ուժերի Գլխավոր շտաբի պաշտոնական հաղորդագրությանը ռազմական գործողությունների անցկացման վերաբերյալ»,- ընդգծել է Գրոմովը։
Գլխավոր շտաբի ներկայացուցիչը հիշեցրել է, որ հակառակորդի յուրաքանչյուր, այսպես կոչված, «բարի կամքի ժեստի» հետևում կանգնած են ուկրաինացի զինվորների հսկայական ջանքերը։
«Ինչպես թշնամին լքեց Կիևը, Խարկովի մարզը, հեռացավ Զմեյինի կղզուց, այնպես էլ Խերսոնից հավանական հեռացումը մեր ակտիվ գործողությունների արդյունքն է»,- ասել է նա։
Տաթև Ֆռանգյան
