20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Էրդողանը հայտարարել է, որ Պուտինի հետ ունի վստահության բարձր մակարդակ
Քաղաքականություն
10.11.2022 | 23:30
Թուրքիայի նախագահ Ռեջեփ Թայիփ Էրդողանը հայտարարել է ՌԴ նախագահ Վլադիմիր Պուտինի հետ իր հաստատած վստահության բարձր մակարդակի մասին, գրում է ՏԱՍՍ-ը։
«Ինչպես ես արդեն ասել եմ՝ դա առաջնորդության քաղաքականությունն է։ Մենք պարոն Պուտինի հետ հասկացել ենք դրա անհրաժեշտությունը։ Մենք դա չէինք կարող անել առանց այն վստահության մակարդակի, որը կա մեր միջև։ Հարգանքը միմյանց նկատմամբ մղում է մեզ նման քայլեր ձեռնարկել։ Ներկայում դա այդպես է աշխատում։ Համերաշխությունը մեր միջև միջուկային էներգետիկայի ոլորտում, հնարավոր է՝ Սինոպում ձեռնարկվի միջուկային քայլ․ խոսքը նոր ԱԷԿ-ի կառուցման մասին է, քայլեր, որոնք մենք ձեռնարկում են պաշտպանական արդյունաբերության ոլորտում, նույնպես նպաստում են միմյանց նկատմամբ հարգանքին։ Մենք դրանք հաջողությամբ իրագործել ենք և հետևում ենք դրան»,- ասել է Էրդողանը Ուզբեկստան ուղևորվելուց առաջ լրագրողների հետ ճեպազրույցում։
Նա նաև նշել է, որ Անկարան չի դադարեցնում իր միջնորդական ջանքերն Ուկրաինայում։
«Հակամարտության ավարտի կոնկրետ ժամկետ նշել չի կարելի։ Սակայն Ռուսաստանի վերջին որոշումը Խերսոնի հետ կապված, իհարկե, դրական ու կարևոր քայլ է»,- ասել է Թուրքիայի նախագահը։
Էմմա Չոբանյան
