31.10.2026 | 13:24
Ըմբշամարտի ԱԱ. Հայաստանի վերջին ներկայացուցիչները պարտվեցին
ԱՄՆ-ը որոշել է Ուկրաինային ժամանակակից հարվածային անօդաչուներ չտրամադրել․ WSJ
Քաղաքականություն
10.11.2022 | 17:41
The Wall Street Journal-ը, վկայակոչելով իրազեկ աղբյուրներին, հայտնում է, որ ԱՄՆ նախագահ Ջո Բայդենի վարչակազմը որոշել է ժամանակակից Grey Eagle MQ-1C հարվածային անօդաչուները Կիևին չփոխանցել, թեև Ուկրաինան և ԱՄՆ Կոնգրեսի անդամները, որոնք աջակցում են Կիևին այս հարցում, բազմիցս խնդրել են, փոխանցում է BBC-ի ռուսական ծառայությունը։
Լրատվամիջոցի տվյալներով՝ Պենտագոնը հանդես է եկել մատակարարումների դեմ՝ մտավախություն ունենալով, որ դրանք կարող են հանգեցնել հակամարտության էսկալացիայի և Մոսկվային ազդակ տակ, որ ԱՄՆ-ը Կիևին տրամադրում է զենք, որն ունակ է Ռուսաստանի տարածքին հարվածներ հասցնել։ ԱՄՆ պաշտոնյաները նաև որոշակիորեն մտահոգված են, որ անօդաչու թռչող սարքերը կարող են խոցվել մարտի դաշտում՝ հակառակորդին բացահայտելով նորագույն տեխնոլոգիաներից մի քանիսը, ինչպիսիք են ինքնաթիռի տեսախցիկները: Սակայն որոշում կայացնելիս այդ ռիսկերը որոշիչ չեն եղել։
Grey Eagle MQ-1C-ն արտադրող General Atomics ընկերության պաշտոնական ներկայացուցիչը լրատվամիջոցին հաստատել է, որ իրենց հայտնի է Պենտագոնի որոշման մասին, սակայն մանրամասներ հրաժարվել է հայտնել։ Պենտագոնն ու Սպիտակ տունը ևս չեն մեկնաբանել որոշումը։
WSJ-ը հայտնում է, որ սեպտեմբերին ԱՄՆ Կոնգրեսի 17 անդամներ՝ ինչպես Դեմոկրատական, այնպես էլ Հանրապետական կուսակցություններից, նամակ են հղել ԱՄՆ նախագահի վարչակազմին՝ խնդրելով որքան հնարավոր է շուտ Gray Eagle MQ-1C տրամադրել Կիևին։
Էմմա Չոբանյան
