08.09.2026 | 09:38
Երևանին 254 մլն դրամ նվիրաբերած «ԷՎՈԿԱԲԱՆԿ»-ին կենտրոնում ծառայողական ավտոկայանատեղ կտրամադրվի
Մանե Թանդիլյանն ահազանգ է հնչեցնում․ աշխատատեղեր կան, կադրեր՝ ոչ․ ՏԵՍԱՆՅՈՒԹ
Հասարակություն
05.06.2018 | 11:15
Ազգային ժողովում այսօր շարունակվում է «ՀՀ 2017 թ պետական բյուջեի կատարման մասին տարեկան հաշվետվությունը»։
ԱԺ ՀՀԿ խմբակցության պատգամավոր Մարգարիտ Եսայանը, շնորհավորելով աշխատանքի և սոցիալական հարցերի նախարար Մանե Թանդիլյանին պաշտոնը ստանձնելու կապակցությամբ, նշեց․ «Երբ Ձեզ դիմում են սոցապ նախարար, խնդրում եմ՝ ուղղեք, քանի որ նախարարությունը կոչվում է Աշխատանքի և սոցիալական հարցերի նախարարություն»։
Մանե Թանդիլյանը նկատեց, որ իր ղեկավարած նախարարությունը զբաղվածության ապահովման մասով աշխատանքներ է իրականացնում, կատարում է ծրագրային փոփոխություններ, սակայն, զբաղվածության ոլորտում կա շատ լուրջ խնդիր: «Կան աշխատատեղեր, սակայն, չունենք համապատասխան աշխատաշուկա և աշխատաշուկայի հետևից գնացող կադրեր։ Սա իմ առաջին ահազանգն է»,- ասաց Թանդիլյանը։
Ընդդիմադիր պատգամավորի հաջորդ դիտարկումը վերաբերում էր հաշմանդամություն ունեցող քաղաքացիներին լսողական սարքերի տրամադրմանը: «100 լսողական սարք նվիրելը ոմն անձի կողմից այնպես էր ոգևորել, որ, կարծես թե, պետությունը երբևէ լսողական սարք չէր նվիրել։ Բարեկամաբար առաջարկում եմ Ձեզ՝ Ձեր ձեռքը վերցրեք այս հարթությունը»,- ասաց պատգամավորը:
Ի պատասխան՝ նախարարը նկատեց, որ Աշխատանքի և սոցիալական հարցերի նախարարությունը իրականացնելու է մշտադիտարկում պատգամավորի նշած հարցի վերաբերյալ։
Մանրամասները՝ տեսանյութում:
