30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Զախարովան հայտարարել է, որ Երևանի և Բաքվի հետ համակարգման աշխատանքներ են տարվում խաղաղության պայմանագրի նախապատրաստման հարցով
Քաղաքականություն
09.11.2022 | 18:48
Ռուսաստանը կշարունակի անհրաժեշտ աջակցություն ցուցաբերել Հայաստանին և Ադրբեջանին՝ խաղաղության հասնելու, Հարավային Կովկասի կայունության ու բարգավաճման ապահովման համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ընթացքում, գրում է ՏԱՍՍ-ը։
«Ռուսաստանը կշարունակի անհրաժեշտ ամբողջ օգնությունը տրամադրել Բաքվին և Երևանին՝ ի շահ Հարավային Կովկասում խաղաղության, կայունության և բարգավաճման»,- ասել է նա։
Զախարովայի խոսքով՝ սերտ համագործություն կա հայ և ադրբեջանցի գործընկերների հետ խաղաղության պայմանագրի պատրաստման հարցում։
«Մեր երկրի ակտիվ մասնակցությամբ հետևողական գործողություններ են իրականացվում երկու երկրների ժողովուրդների միջև վստահության ամրապնդման ուղղությամբ՝ հասարակության ներկայացուցիչների, փորձագիտական շրջանակների և խորհրդարանականների միջև երկխոսություն զարգացնելու առումով»,- ասել է ՌԴ ԱԳՆ պաշտոնական ներկայացուցիչը։
Էմմա Չոբանյան
