19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Մեր թշնամիներին եք բերում Երևան․ իշխանությունը դուխ ունի՞ ՀԱՊԿ-ին չթողնի Հայաստան․ Ազատ Արշակյան․ ՏԵՍԱՆՅՈՒԹ
Քաղաքականություն
09.11.2022 | 20:17
ՀՀ-ն իր սուվերեն տարածքի ադրբեջանական զավթումը վերացնելու հարցով դիմել է ՀԱՊԿ-ին և նոյեմբերի 23-ին Երևանում նիստ է սպասվում։ Ըստ երևույթին՝ պետք է ՀԱՊԿ-ի ղեկավարները հաստատեն ճանապարհային քարտեզ։
ՀՀ-ն պահանջում է ռազմական և քաղաքական-դիվանագիտական աջակցություն ցուցաբերել՝ Ադրբեջանի օկուպացիայից ազատելու ՀՀ-ի սուվերեն տարածքները։ Բայց ՀԱՊԿ-ի դաշնակիցներ Ղազախստանն ու Բելառուսն այսօր, ինչպես և անցյալ տարի, Ադրբեջանին շնորհավորել են ՀՀ-ի նկատմամբ հաղթանակի կապակցությամբ։ Անցյալ տարի նրանց հետ էր նաև Ղրղզստանը։ Եվ Լուկաշենկոյի հայտարարություններից դատելով՝ ՀԱՊԿ-ն շարունակելու է չաջակցել ՀՀ-ին։
Ինչպե՞ս պետք է պատասխանեն ՀՀ իշխանությունները։ Հասարակական գործիչ, նախկին պատգամավոր Ազատ Արշակյանը Factor TV-ին տված հարցազրույցում պնդում է, որ անհրաժեշտ է թույլ չտալ ՀԱՊԿ երկրների ղեկավարների մուտքը Հայաստան, քանի որ թշնամական վարք են դրսևորում․ «Հայաստանն իր տարածքները ուժով պետք է հետ վերցնի։ Եթե մենք անընդհատ դիմելու ենք Լուկաշենկոյին՝ Բելառուսին, որ նա մեր շահերը պաշտպանի ՀԱՊԿ-ում կամ ԱՊՀ-ում, կամ ՌԴ-ին ու Ղազախստանին ենք դիմում, իհարկե՝ չի լինի։ Դրա համար էլ հարկավոր է լինել նրանց հետ, ովքեր ուժեղ են և յուրային են, որ մեզնից գերի չվերցնեն, չհարձակվեն մեզ վրա»։
Որպես առաջին քայլ՝ ՀՀ-ն պետք է ՀԱՊԿ-ից դուրս գա։
«Հիմա շարունակո՞ւմ ենք մնալ այնտեղ, որտեղ մեզ կոտորում են, մեզ անարգում են, մեր տղամարդկանց գերի են պահում, մեր գազն ու ջուրը փակում են, թանկ էլեկտրաէներգիա են ծախում մեզ։ Մեզ անպատվում են, մենք ասում ենք՝ եկեք Երևանում արեք ձեր անարժանապատվության նիստը։ Նրանք չպե՛տք է մտնեն Երևան»,- հայտարարեց Ազատ Արշակյանը, որը նաև «Դուրս ՀԱՊԿ-ից» նախաձեռնության անդամ է։
Հարցազրույցն ամբողջությամբ՝ տեսանյութում։
Ռոբերտ Անանյան
